ရေသံသရာလည်ခြင်း

ရေသံသရာလည်ခြင်း စကြဝဠာကြီးသည် အစိတ်အပိုင်း တစ်ခုတည်းမှ စတင်ခဲ့၍ သက်ရှိတိုင်း၏ အစမှာ ရေမှဖြစ်သည်ဟူသော ယနေ့သိပ္ပံ၏ အဆိုတို့မှာ ကုရ်အာန်ကို ထောက်ခံနေခြင်းသာ ဖြစ်၏။

သက်ရှိတို့နေထိုင်ရာ ကမ္ဘာဂြိုဟ်ပေါ်တွင် ရေသံသရာလည်ခြင်းနှင့် ပတ်သက်၍ ယခုခေတ် လူတို့အတွက် အဆန်းတကြယ် မဟုတ်ခဲ့သော်လည်း ၁၆ ရာစုနှစ်မတိုင်မီ ခေတ်အထိ လူသားတို့က မှားယွင်းစွာ အမျိုးမျိုး တွေးခေါ်ခဲ့ကြသည်။ ၁၆ ရာစုတွင် သိပ္ပံပညာရှင် ဘားနဒ်ပလစ်စီ (Barnard Palissy) က ရေသံသရာလည်မှုကို သိပ္ပံနည်းကျစွာ ရှာဖွေတွေ့ရှိခဲ့သည်။ စင်စစ် (၇)ရာစုက ကျရောက်ခဲ့သော ကုရ်အာန်နှင့် ကျမ်းရှင် အလ္လာဟ်အရှင်မြတ်ကို ထောက်ခံမှုသာ ဖြစ်၏။

“အသင်မမြင်ခဲ့လေသလော၊ စင်စစ်ဧကန် အလ္လာဟ်အရှင်မြတ်သည် မိုးကောင်းကင်မှ ရေကိုချပေးတော်မူခဲ့၏။ ထို့နောက် ထိုရေကို မြေ၌ရှိသော ရေကြောများဝယ် ဝင်သွားစေတော်မူခဲ့၏။ ထို့နောက် ထိုအရှင်မြတ်သည် ထိုရေဖြင့် အမျိုးမျိုး အစားစားဖြစ်သော ကောက်ပဲသီးနှံကို ထွက်စေတော်မူ၏” (ကုရ်အာန် ၃၉း၂၁)

ကမ္ဘာပေါ်ရှိရေများ (အထူးသဖြင့် ပင်လယ်သမုဒ္ဒရာရှိရေများ)သည် နေ၏ အပူရှိန်ကြောင့် အငွေ့ပြန်ကာ ကောင်းကင်ယံတွင် တိမ်အဖြစ် စုဝေးကြသည်။ လေတို့က သယ်ဆောင်ပေးကြသည်။ ကမ္ဘာပေါ်သို့ မိုး၊ နှင်း၊ မြူများမဖြစ် ပြန်ကျလာ၏။ မြစ်ချောင်းများမှ လည်းကောင်း မြေအောက်မှသော် လည်းကောင်း ပင်လယ်သမုဒ္ဒရာများအတွင်း ပြန်စီးဝင်ကြသည်။ ဤသို့ဖြင့် ရေသံသရာလည်နေမှုကို ကုရ်အာန် အာယာသ်တော် များစွာတွင် တွေ့နိုင်ပေသည်။ (ကုရ်အာန် ၅၀း၉-၁၁။ ၂၃း၁၈-၁၉။ ၁၅း၂၂။ ၃၅း၉။ ၃၀း ၄၈)

“ထိုအရှင်မြတ်သည် မိုးကောင်းကင်မှရေကို ရွာသွန်းစေတော်မူ၏။ ထိုအခါ မြစ်ချောင်းများသည် မိမိတို့၏ အဝင်အဆံ့နှင့် လျော်ညီစွာ အထွေထွေ စီးဆင်းကြလေသည်။ တစ်ဖန် ပြင်းထန်စွာစီးသော ထိုရေစီးသည် ရေမြုပ်ကို ရေပေါ်သို့ ဆောင်၍လာလေသည်။” (ကုရ်အာန် ၁၃း၁၇)

တိမ်၊ မိုး၊ လေတို့၏ သက်သေများ

ကောင်းကင်ယံ သင်ပုန်းကြီးသည် အသွင်မျိုးစုံ၊ ပုံစံမျိုးစုံဖြင့် လူသားတို့အကျိုးကို ဆောင်ရင်း တရားပြနေပေသည်။ တိမ်တိုက်ကြီးများ၊ ယင်းတို့ကို သယ်ဆောင်၍ လိုရာသို့ ပို့ဆောင်ပေးနေသော လေများ၊ မိုးရွာသွန်းမှုများ အားလုံးတို့သည် တစ်ပါးတည်းသော အလ္လာဟ်၏ အမိန့်တော်ကို နာခံလျက် စနစ်တကျ ဖြစ်ပေါ်နေ၏။ ကမ္ဘာပေါ်တွင် သက်ရှိအားလုံးအတွက် ချိုမြသော ရေကိုပေးခြင်း၊ သစ်ပင်ပန်းမန်တို့ ရှင်သန်ကြီးထွားခြင်း၊ တိရစ္ဆာန်အမျိုးမျိုးကို ရှင်သန်ကြီးထွားစေခြင်းတို့ဖြင့် လူသားတို့ကို အကျိုးပြုနေခြင်းမှာ လူသားတို့၏ ဘဝလိုအပ်ချက်တို့သိ၍ သနား၍မဟုတ်ဘဲ၊ ၄င်းတို့၏ ဖန်ဆင်းရှင် အလ္လာဟ်၏ သတ်မှတ်ချက်အမိန့်တော်ကို နာခံနေကြခြင်းသာ ဖြစ်၏။

“မိုးကောင်းကင်မှ အလ္လာဟ်အရှင်မြတ် ရွာသွန်းစေသော မိုးရေ၌ လည်းကောင်း၊ ထိုမြေပြင်၌ ပေါက်ဖွားပျံ့နှံစေသော တိရစ္ဆာန် အမျိုးမျိုး၌ လည်းကောင်း၊ လေများကို တိုက်ခတ်စေတော်မူခြင်း၌ လည်းကောင်း မိုးနှင့်မြေကြားဝယ် (အလ္လာဟ်၏ အမိန့်တော်ကို) နာခံလျက်ရှိကြသော မိုးတိမ်များ၌ လည်းကောင်း။ စဉ်းစားဆင်ခြင်သိမြင် သူတို့အဖို့ မုချဧကန် သက်သေလက္ခဏာတော်များရှိ၏” (ကုရ်အာန် ၂း၁၆၄)

“ထို့ပြင် ငါအရှင်မြတ်သည် ကောင်းကင်မှ (မိုး)ရေကို အတိုင်းအတာ သတ်မှတ်ချက်ဖြင့် ချပေးတော်မူခဲ့၏။ တစ်ဖန် ငါအရှင်မြတ်သည် ထိုမိုးရေကို ပထဝီမြေဝယ် ရပ်တည်စေတော်မူ၏၊ စင်စစ် ငါအရှင်မြတ်သည် ထိုမိုးရေကို ကုန်ခန်းစေခြင်းငှာ တတ်စွမ်းနိုင်တော်မူ၏” (ကုရ်အာန် ၂၃း၁၈)

“၄င်းပြင် ငါအရှင်မြတ်သည် ရေများကို သယ်ဆောင်လျက်ရှိသော လေများကို စေလွှတ်တော်မူခဲ့လေသည်။ တစ်ဖန် ငါအရှင်မြတ်သည် မိုးကောင်းကင်မှ ရေကို ရွာသွန်းစေတော်မူခဲ့သည်။ ထို့နောက် ငါအရှင်မြတ်သည် အသင်တို့အား ထိုရေကိုပင် တိုက်ကျွေးတော်မူခဲ့လေသည်။ စင်စစ် အသင်တို့သည် ထိုရေကို စုဆောင်းသိုလှောင်နိုင်ကြသည့်သူများ မဟုတ်ကြချေ” (ကုရ်အာန် ၁၅း၂၂)

“အကယ်၍ အသင်တို့၏ရေသည် (မြေဝယ်) တိမ်မြုပ်သွားခဲ့ပါလျှင် အသင်တို့ထံ ကြည်လင်စီးထွေသောရေကို မည်သူ ယူလာအံ့နည်း” (ကုရ်အာန် ၆၇း၃၀)

မိုးရေ

“အသင်တို့သည် မိမိတို့သောက်သုံးကြကုန်သော ရေကိုမြင်ခဲ့ကြလေသလော့၊ ထိုရေကို အသင်တို့ကိုယ်တိုင် မိုးတိမ်မှ ရွာသွန်းစေကြသလော့၊ သို့တည်းမဟုတ် ငါအရှင်မြတ်ပင် ရွာသွန်းစေတော်မူသော အရှင်ဖြစ်တော်မူပါသလော့၊ အကယ်၍သာ ငါအရှင်မြတ် အလိုရှိတော်မူပါလျှင် ထိုရေကို ရေငန်၊ ရေခါး ပြုလုပ်တော်မူမည်သာ၊ သို့ပါလျက် အသင်တို့သည် မည်သည့်အတွက်ကြောင့် ကျေးဇူးမတင်ကြသနည်း” (ကုရ်အာန် ၅၆း၆၈-၇၀)

သိပ္ပံပညာ တိုးတက်လာသည်နှင့်အမျှ ယခုအခါ မိုးတုများကို လူသားတို့ ရွာသွန်းစေနိုင်သော အခြေသို့ ရောက်ပေပြီ။ သို့သော် လူသားတို့၏ မိုးတုရွာသွန်းမှုသည် အလ္လာဟ်အရှင်မြတ်၏ တိုင်းတာမှုများဖြင့် လိုအပ်ပါက လိုအပ်သလို လျင်မြန်စွာ ရွာသွန်းစေမှု၊ ရွေ့လျားမှု စသည်တို့ကို ပြုနိုင်စွမ်း မရှိချေ။ လူသားတို့၏ စွမ်းရည်မှာ အကန့်အသတ်အတွင်းမှသာ ဖြစ်၏။ အလ္လာဟ်သည် ဖန်ဆင်းခံလူသားကို အတိုင်းအတာတစ်ရပ်အထိသာ သဘာဝတရားကို အောင်နိုင်စွမ်းပေးထားခြင်းသာ ဖြစ်၏။ ပြင်သစ် မိုးလေဝသပညာရှင် M.A.Facy က Encyclopedia Universalis တွင် Precipitations ဟူသော ခေါင်းစဉ်အောက်တွင် မိုးရွာသွန်းစေနိုင်သော တိမ်တစ်ခု၏ အရည်အချင်းများ မရှိသောတိမ်တစ်ခု သို့မဟုတ် မှန်ကန်သော အဆင့်ဆင့်တိုးတက်ပြောင်းလဲသည့် အဆင့်သို့ မရောက်သေးသည့် တိမ်တိုက်တစ်ခုမှ မိုးရွာသွန်းစေနိုင်မည် မဟုတ်ကြောင်း ဖော်ပြထား၏။ ထို့ကြောင့် ပြင်သစ်ဆေး သိပ္ပံပညာရှင် ဒေါက်တာ မောရစ်ဘူကေလ်စ် ကလည်း လုံလောက်သော သဘာဝ အခြေအနေများမရှိဘဲလျက် လူသားတို့သည် မည်သည့်အခါမျှ (Preeipitation Process) ကို ပြုနိုင်မည် မဟုတ်ဟု ဆိုထားသည်။

မိုးလေဝသ ပညာရှင်တို့သည် ရာသီဥတုအခြေအနေကို ယေဘုယျအားဖြင့်သာ မှန်းဆနိုင်ကြ၏။ မည်သူမျှမည်သည့် တိကျသောနေရာ အတွက် မိုးရေမည်မျှကျမည်ကို တိကျစွာ မဆိုနိုင်ချေ။ မိုးရေသည် အလ္လာဟ်၏ တိုင်းတာချက်ဖြင့်သာ ကျရောက်လာသည်။ ပုရွက်ဆိတ် တစ်ကောင်အတွက် လိုအပ်သော မိုးတစ်စက်ကို အလ္လာဟ်ချပေးသည်ကို မည်သူသိနိုင်အံ့နည်း” (ကုရ်အာန် ၃၁း၃၄)(အစ္စလာမ့်ယုံကြည်ချက်)

>လေ

အလ္လာဟ်သည် တည်ငြိမ်သောလေ၊ တိုက်ခတ်သောလေ စသည်တို့ကို လူ၊ တိရစ္ဆာန်နှင့် သစ်ပင်စသည့်သက်ရှိတို့ အခမဲ့ ရှုရှိုက်နိုင်ရန် ပြုပေးထားသည်။ လေတို့သည် တိမ်တိုက်အား လိုရာစေ၍ ကမ္ဘာ့ဥယျာဉ်တို့ကို မိုးရေဖျန်းစေ၏။ လှေသင်္ဘောများကို မြစ်ချောင်း၊ ပင်လယ်သမုဒ္ဒရာများအတွင်း လိုရာပို့ဆောင်ပေး၏။ လူသားတို့၏ ဆက်သွယ်ရေးလုပ်ငန်းများကို ကြားခံဆောင်ရွက်ပေး၏။

လေသည် အသွင်ပြောင်း၏ ။ တည်ငြိမ်မှုမရှိ၊ သို့သော် လူသားတို့၏ ဘဝလိုအပ်ချက်များကို ဆောင်ရွက်နေခြင်းသည် လူသားတို့ကို သိ၍သနား၍ မဟုတ်ဘဲ ၄င်း၏ ဖန်ဆင်းရှင် အလ္လာဟ်၏ အမိန့်တော်သတ်မှတ်ချက်များကို နာခံနေခြင်းသာ ဖြစ်၏။ ပြင်းထန်စွာ တိုက်ခတ်သောလေများ မရှိကလည်း မိုးရွာသွန်းစေမည့် မိုးတိမ်တို့ကို ပင်လယ်သမုဒ္ဒရာများထံမှ ကုန်းပေါ်သို့ ပို့နိုင်မည် မဟုတ်ချေ။

“ထိုမှတစ်ပါး ညဥ့်နှင့် နေ့ကိ ပြောင်းလဲခြင်း၌ လည်းကောင်း၊ အလ္လာဟ်သည် ကောင်းကင်မှ (မိုးရွာသွန်းစေ၍) စားနပ်ရိက္ခာချပေးတော်မူခြင်း၊ တစ်ဖန်ယင်းမိုးရေဖြင့် ပထဝီမြေကို သွေ့ခြောက်သေလွန်ပြီးနောက် ရှင်ပြန်(စိမ်းလန်း)စေတော်မူခြင်း၌ လည်းကောင်း လေများကို (အရပ်ခပ်သိမ်းသို့) ပြောင်းလဲ တိုက်ခတ်စေခြင်း၌ လည်းကောင်း၊ သိနားလည်ကြသော သူတို့အဖို့ သက်သေလက္ခဏာတော်များသည် ရှိကြကုန်သတည်း” (ကုရ်အာန် ၄၅း၅)

အသင်တို့ပေါ်ဝယ် ထိုအရှင်မြတ်သည် ကျောက်စရစ်မိုး လေပြင်းမုန်တိုင်း ကျရောက်စေတော်မူမည် မဟုတ်ဟူ၍ စိုးရိမ်ခြင်းကင်း ကြလေပြီလော။ သို့ဖြစ်လျှင် မကြာမြင့်မီ ငါအရှင်မြတ်၏ သတိပေးနှိုးဆော်မှုသည် မည်သို့ရှိခဲ့သည်ကို သိရှိကြပေမည်။ စင်စစ် ၄င်းတို့ အလျှင်ရှိခဲ့ကြသော သူတို့လည်း (အလ္လာဟ်အရှင်မြတ်)ကို မဟုတ်မမှန်ဟူ၍ စွပ်စွဲငြင်းပယ်ခဲ့ကြကုန်၏။ သို့ဖြစ်ပေရာ ငါအရှင်မြတ်၏ ပြစ်ဒဏ်မှာမည်သို့ရှိခဲ့ပေသနည်း” (ကုရ်အာန် ၆၇း၁၇-၁၈)

“အမှန်သော်ကား အလ္လာဟ်သည် ၄င်းတို့အား မတရားနှိပ်စက်ခဲ့သည် မဟုတ်ပေ။ သို့ရာတွင် ၄င်းတို့သည် မိမိတို့ကိုယ်တိုင် မိမိတို့ကိုယ်ကို နှိပ်စက်ညှဉ်းပန်းလျက် ရှိခဲ့ကြကုန်သတည်း” (ကုရ်အာန် ၂၉း၄၀)

မိုးကြိုးလျှပ်စစ်

“၄င်းပြင် ထိုအရှင်မြတ်သည်ပင် လေများကို (မိမိ၏ကရုဏာတော်အဖြစ်) မိုးမရွာမီ ရှေ့ပြေးသတင်းကောင်းအဖြစ် စေလွှတ်တော်မူခဲ့၏” (ကုရ်အာန် ၂၅း၄၈)

“ထိုအရှင်မြတ်သည်ပင် အသင်တို့အား လျှပ်စစ်ပြက်ခြင်းကို ကြောက်မက်ဖွယ်ရာ အဖြစ် လည်းကောင်း၊ မျှော်လင့်ချက် အဖြစ်လည်းကောင်း ပြုတော်မူသော အရှင်ဖြစ်တော်မူ၏။ ထို့ပြင် လေးလံသောလှစွာသော မိုးတိမ်များကို မြှင့်မြှောက်တော်မူသော အရှင်ဖြစ်တော်မူ၏။ ၄င်းပြင် မိုးချုန်းသံသည် ထိုအရှင်မြတ်အား ချီးမွမ်းထောမနာပြုခြင်းနှင့် အတိုင်း အဆမရှိ သန့်ရှင်းစင်ကြယ်တော်မူကြောင်းကို ဘာဝနာ စီးဖြန်းလေသည်။ ထို့အတူ မလာအိကဟ် ကောင်းကင်တမန်တို့သည်လည်း ထိုအရှင်မြတ်အား ကြောက်ရွံ့ရိုသေခြင်းအားဖြင့် (ဘာဝနာစီဖြန်းကြကုန်၏။) ထို့ပြင် ထိုအရှင်မြတ်သည် မိုးကြိုးသွားများကို စေလွှတ်တော်မူပြီးနောက် မိမိအလိုရှိတော်မူသောသူ၏ အပေါ်၌ ယင်းမိုးကြိုးသွားကို ကျရောက်စေတော်မူ၏။ သို့ပါလျှက် ထိုသူတို့သည် အလ္လာဟ်အရှင်မြတ်နှင့် ပတ်သက်၍ ငြင်းခုံလျက်ရှိကြ၏။ စင်စစ် ထိုအရှင်မြတ်သည် (အကြွင်းမဲ့သိတော်မူသော ဉာဏ်တော်ဖြင့်) အရေးယူတော်မူသော၊ အားအင်အလွန်ကြီးမားတော်မူသော အရှင်ဖြစ်တော်မူ၏” (ကုရ်အာန် ၁၃း၁၂-၁၃)

ကောင်းကင်ယံတွင် မည်းမှောင်နေသော တိမ်တောင်ကြီးများ မိုးလုံးညံမျှ အလ္လာဟ်ကို ကြွေးကြော်တသနေသော မိုးချုန်းသံများ၊ ဟိုမှသည်မှ တဝင်းဝင်းလက်နေသော လျှပ်စစ်များ မိုးကြိုးသွားများ၊ စသည့် တပ်မတော်ကြီးသည် မိမိတို့၏ အရှင်သခင် အလ္လာဟ်ကိုသာ နာခံနေကြသည်။ မိုးကြိုးသည်လည်း အလ္လာဟ် အမိန့်အတိုင်း သတ်မှတ်ရာကို ပစ်ခတ်၏။ အလ္လာဟ်သည် မဟာကရုဏာတော်ရှင်ဖြစ်တော်မူ၏။ လေတို့က မိုးတိမ်ကို သယ်ဆောင်ပေး၏။ မှောင်မိုက်နေသောတိမ်များ၊ လျှပ်စစ်များနှင့် မိုးချုန်းသံတို့သည် ကြောက်မက်ဖွယ်ဖြစ်သော်လည်း စင်စစ် မိုး(ကရုဏာတော်)ကျမည့် မျှော်လင့်ချက်ပေးခြင်း ဖြစ်၏။ မိုးကြိုးသည် ဆန့်ကျင်သူတို့အတွက် ပြစ်ဒဏ်ဖြစ်၏။ ထို့အတူ ခေတ်အဆက်ဆက် နဗီတမန်တော်တို့ထံ အလ္လာဟ်ထံမှ ကရုဏာတော် ဝဟီလမ်းညွှန်များကို သတင်းကောင်းနှင့် သတိပေးချက်အဖြစ် ချပေးတော်မူလေသည်။

အလ္လာဟ်၏ ကရုဏာမိုး ဝဟီ

နောက်ဆုံး နဗီတမန်တော်ချုပ်သခင်သည်လည်း ကိယာမသ် ရှင်ပြန်ထရမည့်နေ့မတိုင်မီ နောက်ဆုံး သတိပေး နှိုးဆော်သူဖြစ်သည်။ အလ္လာဟ်ထံမှ နောက်ဆုံး ဝဟီလမ်းညွှန် ကုရ်အာန်သည် လက္ခံသူတို့အတွက် အလ္လာဟ်ထံမှ ကရုဏာာတော်မိုး ရမည်ဖြစ်၍ ငြင်းပယ်သူတို့အတွက် မိုးကြိုးသွားထက်ပင်ဆိုးသည့် ဂျဟန္နမ်၏ ဒုက္ခတရားကို ရင်ဆိုင်ရပေမည်။

“၄င်းပြင် ထိုအရှင်မြတ်သည်ပင်လျှင် မိမိ၏ကရုဏာတော်(မိုး) မရွာမီ အလျှင် လေများကို ရှေ့ပြေး သတင်းကောင်းအဖြစ် စေလွှတ်တော်မူသော အရှင်ဖြစ်တော်မူ၏။ နောက်ဆုံးတွင် ထိုလေများသည် လေးလံသော မိုးတိမ်များကို သယ်ပိုး ယူဆောင်လာသောအခါ ငါအရှင်မြတ်သည် ထိုမိုးတိမ်ကို ခြောက်သွေ့ လျက်ရှိသော မြို့ရွာဒေသသို့မောင်းနှင် (ပို့ဆောင်)တော်မူ၏။ ထို့နောက် ငါအရှင်မြတ်သည် ယင်းမိုးတိမ်ဖြင့် ရေကို ချပေးတော်မူ၏။ ထို့နောက် ငါအရှင်မြတ်သည် ထိုရေဖြင့် သစ်သီးဝလံ ပန်းမန်မျိုးစုံကို ထွက်စေတော်မူ၏။ ဤနည်း အတိုင်းပင် ငါအရှင်မြတ်သည် သေသူတို့အား (ကိယာမသ် ရှင်ပြန်ထကြရမည့်နေ့တွင်) ထွက်စေတော်မူအံ့၊ သို့မှသာ အသင်တို့ တရားရကြလိမ့်မည်။” (ကုရ်အာန် ၇း၅၇)

လူသားသည် မြေမှစတင်၍ ဆင့်ကဲဖြစ်စဉ်အရ ဖန်ဆင်းခြင်း ခံထားရသည်။ မြေမှထွက်သောအရာများကို မှီဝဲစားသုံးကြရသည်။ သေသော်မြေသာ ဖြစ်ကြရ၏။

“ဧကန်မလွဲ ယင်း(သေနေသော) ပထဝီမြေကို (မိုးရေချ၍) ရှင်စေတော်မူသော အရှင်မြတ်သည်ပင်လျှင် ဧကန်အမှန် သူသေတို့ကို (ကိယာမသ်နေ့၌) ရှင်စေတော်မူမည့် အရှင် ဖြစ်စေတော်မူ၏။ စင်စစ် ထိုအရှင်မြတ်သည် အရာခပ်သိမ်းတို့ကို စွမ်းဆောင်နိုင်တော်မူသော အရှင်မြတ်ပင် ဖြစ်တော်မူ၏” (ကုရ်အာန် ၄၁း၃၉)

မည်သူမဆို မိမိ၏ နဖ်စ်တည်းဟူသောမြေ၌ တစ်ပါးတည်းသော အလ္လာဟ်ကိုလက္ခံ၍ အလ္လာဟ်၏ ဝဟီလမ်းညွှန်အတိုင်း စိုက်ပျိုးကျင့်ကြံက နိစ္စထာဝရ ပြီးပြည့်စုံသော ငြိမ်းချမ်းမှု အသီးအပွင့်တို့ကို နှစ်ဘဝလုံးတွင် ခံစားကြရမည်ဖြစ်သည်။ အလ္လာဟ်၏ ဝဟီကျရောက်ပါလျက် ငြင်းဆန်ခြင်း၊ မကျင့်သုံးခြင်းတို့၏ ဆိုးကျိုးရလာဒ်ကို မိမိသာ ခံစားရပေမည်။

အဏ္ဏဝါ ရေလွှာတို့၏ သက်သေများ

“အရှင်မြတ်သည် ကမ္ဘာဂြိုဟ်ကို မှီတင်းနေထိုင်ရာ ပြုလုပ်တော်မူသော အရှင်(ဖြစ်တော်မူ၏။) ယင်း ပထဝီမြေ၏ အကြား၌ စီးထွေးနေသော ရေပြင်များကို ပြုလုပ်တော်မူခဲ့၏။ ၄င်းပြင် ယင်း ပထဝီမြေ (တည်ငြိမ်စေရန်) တောင်များကို ပြုလုပ်တော်မူခဲ့သည်။ ထိုမှတစ်ပါး အရှင်မြတ်သည် ကြီးသော ရေပြင်နှစ်ခုကြားဝယ် အတားအဆီးကို ပြုလုပ်တော်မူခဲ့၏။ ထိုအရှင်မြတ်နှင့် အတူ (အခြား နှိုင်းယှဉ်)ဆည်းကပ်ကိုးကွယ်ရာ ရှိပါသေးသလော၊ အလျှင်းမရှိချေ။ စင်စစ် ၄င်းတို့အနက် များစွာသော သူတို့သည် မသိနားမည်ကြပေ” (ကုရ်အာန် ၂၇း၆၁)

“ထို့ပြင် ထိုအရှင်မြတ်သည် သင်္ဘောများကို အသင်တို့အကျိုးငှာ ပြုလုပ် စီရင်ထားတော်မူ၏။ သို့မှသာ ထိုသဘောင်္များသည် ထိုအရှင်မြတ်၏ အမိန့်တော်နှင့် ပင်လယ်သမုဒ္ဒရာ၌ သွားလာစေအံ့သောငှာ ဖြစ်၏။ ထိုနည်းတူ မြစ်ချောင်းများကိုလည်း (အလ္လာဟ်အမိန့်တော်နာခံစေလျက်) အသင်တို့အကျိုးငှာ နိုင်နင်းစေတော်မူခဲ့သည်။” (ကုရ်အာန် ၁၄း၃၂)

“၄င်းပြင် အဏ္ဏဝါရေလွှာနှစ်ခုသည် မတူညီကြပေ။ ဤ(ရေလွှာတစ်ခု၏ရေ)မှာ ချိုမြိန်၏၊ ရေငတ်ပြေစေ၏။ ထိုရေကို သောက်သုံးရာတွင်လည်း လွယ်ကူ၍ အဝင်ကောင်းလှ၏။ သို့ရာတွင် ဤ (ရေပြင်တစ်ခု၏ ရေမှာ)မူကား ငန်၏။ ခါး၏။ သို့ရာတွင် အသင်တို့သည် (ထိုရေချို၊ ရေငန်ရေဖြင့်) အသီးသီးမှ လတ်ဆတ်သော အသားများကို စားသုံးကြကုန်၏။ ၄င်းပြင် အသင်တို့သည် (ထိုရေပြင်များမှ) မိမိတို့ ဝတ်ဆင်ကြကုန်သော လက်ဝတ်လက်စား တန်ဆာများကို ထုတ်ယူကြကုန်၏။ ထိုမှတစ်ပါး အသင်တို့သည် ထိုအရှင်မြတ်၏ ကျေးဇူးတော်တည်းဟူသော စားနပ်ရိက္ခာကို ရှာဖွေ ဆည်းပူးကြအံ့သောငှာ ထိုရေပြင်၌ သဘောင်္များ ရေကိုခွဲ၍ သွားလာလျက် ရှိကြသည်ကိုလည်း အသင်တို့ တွေ့မြင်ရပေမည်။ သို့မှသာလျှင် အသင်တို့သည် ကျေးဇူးတော်ကို သိတတ်ကြအံ့သတည်း” (ကုရ်အာန် ၃၅း၁၂)

“ပင်လယ်သမုဒ္ဒရာများ၌ (ရွေ့လျားနေသော) တောင်များပမာ အထင်အရှားရှိနေသော သဘောင်္များမှာလည်း ထိုအရှင်မြတ်၏ အာဏာစက်အတွင်း၌ ရှိကြ၏” (ကုရ်အန် ၅၅း၂၄)

ကုရ်အာန်ကျမ်းမြတ်တွင် အဏ္ဏဝါ ရေပြင်များနှင့် စပ်လျဉ်း၍ သိပ္ပံနှင့် ဆန့်ကျင်သော အယူသီးသော ဖော်ပြချက်များ အလျင်းမရှိချေ။ သိပ္ပံက ထောက်ခံသော အလ္လာဟ်၏ ဘုန်းတော် ဂုဏ်တော်တို့ကို ဖော်ပြသော အာယာသ်တော် (လက္ခဏာတော်)များစွာ ရှိ၏။ ကမ္ဘာပေါ်ရှိ မြစ်ချောင်းများကို ကြည့်လျှင် မြစ်ကြောင်း တစ်လျှောက် စိုက်ပျိုးရေးလုပ်ငန်း သောက်သုံးရေနှင့် လမ်းပန်း ဆက်သွယ်ရေး စသည်တို့ကို အကျိုးဖြစ်ထွန်းစေသည်။ ကမ္ဘာဂြိုဟ်သည် ၂၄ နာရီတစ်ပတ်ကျ ပြင်းထန်စွာ လည်ပတ်နေသော်လည်း ပင်လယ်သမုဒ္ဒရာကြီးတို့ လွင့်စဉ်မသွားချေ။ ရေတက် ရေကျ ဒီရေတို့သည် လည်းကောင်း ပင်လယ်တွင်း၌ ရေပူ ရေအေးစီးကြောင်းများသည် လည်းကောင်း စနစ်တကျ ဖြစ်ပေါ်နေ၏။ ၄င်းတို့အပေါ်ဝယ် လေးလံသော သဘောင်္ကြီးများက လူများ၊ ပစ္စည်းများ သယ်ဆောင်လာကာ လမ်းဖောက်စရာ စရိတ်မလိုဘဲ သယ်ဆောင်နေကြသည်။ ပင်လယ်တို့ ရာသီဥတုများတို့ကိုလည်း ပြုပြင်နေကြသည်။

ရေအောက်တွင်လည်း မကုန်ခန်းနိုင်လောက်သော စားသုံးဖွယ် ပစ္စည်းများနှင့် အဖိုးတန် သယံဇာတတို့ ရှိနေ၏။ မြစ်ချောင်းတို့သည် ရေချိုများ ဖြစ်ကြ၍ ရေငန်ပင်လယ်များနှင့် ဆက်စပ် စီးထွေနေသော်လည်း အလ္လာဟ်သည် ရေချိုနှင့် ရေငန်ကို ရောခြင်းမရှိဘဲ တားပေး၏။ စင်စစ် ကမ္ဘာ့ အဏ္ဏဝါ ရေပြင်တို့က လူသားတို့အား အကျိုးပြုနေခြင်းမှာ လူသားတို့၏ ဘဝလိုအပ်ချက်ကို သိ၍ သနား၍မဟုတ်ဘဲ ၄င်းတို့၏ အရှင်သခင် အလ္လာဟ်ကို နာခံသူ (မုစ်လင်မ်)များ ဖြစ်နေ၍ ဖြစ်၏။ တစ်ချိန်တည်းမှာပင် အလ္လာဟ်၏ သက်သေ လက္ခဏာတော်၊ ကျေးဇူးတော်များ အဖြစ် လူသားကို သင်ခန်းစာပေးနေ၏။

“ဧကန်မလွဲ ငါအရှင်မြတ်သည် အာဒမ်၏ သားသမီးများကို ဂုဏ်သိမ်ထူးကဲ မြင့်မြတ်စေတော်မူခဲ့၏။ ထို့ပြင် ငါအရှင်မြတ်သည် ကုန်းပေါ်၌ လည်းကောင်၊ ရေပြင်၌ လည်းကောင်း (အစီးအနင်းမျိုးစုံကို) စီးနင်းစေတော်မူခဲ့၏” (ကုရ်အာန် ၁၇း၇၀) “ထို့ပြင် ငါအရှင်မြတ်သည် ၄င်းတို့အဖို့ ထိုသဘောင်္ကဲ့သို့သော၊ ၄င်းတို့ စီးနင်းကြသော အခြားအရာ (ယာဉ်အစီးအနင်း) များကိုလည်း ဖန်ဆင်းထားတော်မူ၏” (ကုရ်အာန် ၃၆း၄၂)