တောင်ကြီးများ၏သက်သေ

>တောင်ကြီးများ၏သက်သေ

“ငါအရှင်မြတ်သည်သာလျှင် ကမ္ဘာဂြိုဟ်ကို အခင်းပြုလုပ်တော်မူခဲ့သည် မဟုတ်လော့။ ၄င်းပြင် တောင်များကို သပ်များ၊ ငုတ်များ (အဖြစ်ပြုလုပ်တော်မူခဲ့သည် မဟုတ်လော့)” (ကုရ်အာန် ၇၈း၆-၇)

“ထိုအရှင်မြတ်သည် မိုးကောင်းကင်များကို အသင်တို့ မြင်နေကြသည့်အတိုင်း တိုင်များမပါဘဲ ဖန်ဆင်းတော်မူခဲ့၏။ ၄င်းပြင် ထိုအရှင်မြတ်သည် ကမ္ဘာဂြိုဟ်၌ ယင်းကမ္ဘာဂြိုဟ်သည် အသင်တို့နှင့်တကွ ယိမ်းယိုင်မသွားစေရန်၊ လေးလံသောတောင်များကို (ကျောက်ဆူးများသဖွယ်) ချထားတော်မူ၏……” (ကုရ်အာန် ၃၁း၁၀) အထက်ပါ အာယာသ်တော်များအရ ဖန်ဆင်းရှင် အလ္လာဟ်သည် မိုးကောင်းကင်အတွင်းရှိနေ၊ လ၊ ကြယ်၊ နက္ခတ်တာရာ အားလုံးကို တိုင်များမရှိဘဲ အလ္လာဟ်သတ်မှတ်ရာနိယာမ သဘာဝ(အား)များဖြင့် စနစ်တကျ သွားလာလှုပ်ရှားနေစေသည်။ လူသားတို့ နေထိုင်ရာ ကမ္ဘာဂြိုဟ်သည်လည်း တည်နေသောအရာ မဟုတ်ဘဲ လှုပ်ရှားနေသော အရာဖြစ်ကြောင်း ဆိုထားသည်။

အလ္လာဟ်က ကမ္ဘာမြေကို ကော်ဇောသဖွယ် ဖြန့်ခင်းထား၍ တောင်ကြီးများကို တိုင်များသဖွယ် စိုက်ထား၏ ဟုဆိုသည်။ ကောဇောပေါ်တွင် ငုတ်များစိုက်က ကော်ဇောသည် မရွေ့နိုင်ချေ။ ထို့ကြောင့် ကမ္ဘာဂြိုဟ်သည် လည်ပတ်ရွေ့လျားလှုပ်ရှားနေသော်လည်း တောင်ကြီးများကို ငုတ်သဖွယ်စိုက်ထား၍ လူသားတို့ မယိမ်းမယိုင်ဘဲရှိနေကြောင်းဆိုထားသည်။ ခေတ်သစ်သိပ္ပံက ထောက်ခံပြန်ချေပြီ။

ယနေ့ သိပ္ပံ၏ တွေ့ရှိချက်များမှာ ကမ္ဘာဂြိုဟ်သည် ၂၄ နာရီလျှင် တစ်ပတ်ကျ မိမိ၏ဝင်ရိုးပေါ်တွင် လည်ပတ်နေသော်လည်း လူသားတို့သည် မြေဆွဲအားကြောင့် လွင့်စဉ် မသွားချေ။ ကမ္ဘာဂြိုဟ်သည် အပေါ်ယံ မြေမျက်နှာပြင်သာလျှင် မာကျောသော အခင်းသဖွယ်ဖြစ်၍ အတွင်းပိုင်းတို့သည် ပူပြင်းသော အရည်များဖြစ်သည်။ ဘူမိဗေဒအရ ကော်ဇောသဖွယ် အပေါ်ယံ ပထဝီမြေလွှာကို တောင်ကြီးများက တိုင်များသဖွယ် လေးလံစွာစိုက်ထူထား၍ ကမ္ဘာကြီးပြင်းထန်စွာ လည်ပတ်နေသော်လည်း အပေါ်ယံမျက်နှာပြင်သည် အောက်ခံအရည်ပေါ်တွင် တည်ငြိမ်စွာရှိနေခြင်းဖြစ်၏။

(“ထိုအရှင်မြတ်သည်) မိုးကောင်းကင်များကို လည်းကောင်း၊ ကမ္ဘာဂြိုဟ်ကို လည်းကောင်း၊ ယင်းမိုးကောင်းကင်များနှင့် ကမ္ဘာဂြိုဟ် နှစ်ခုလုံး၏အကြား ရှိသမျှတို့ကို လည်းကောင်း အဆင့်ဆင့် ဖန်ဆင်း၍ စိုးပိုင်တော်မူသောအရှင်၊ ထိုမှတစ်ပါး နေထွက်ရာအရပ်များကို အဆင့်ဆင့် ဖန်ဆင်း၍ စိုးပိုင်တော်မူသော အရှင်ဖြစ်တော်မူ၏” (ကုရ်အာန် ၃၇း၅)

အထက်ပါ အာယာသ်တော်အရ စကြဝဠာအတွင်း၌ ကမ္ဘာဂြိုဟ်အပြင် နေ (ကြယ်)ကို ဗဟိုပြု၍နေသော ဂြိုဟ်များ (နေထွက်ရာအရပ်များ) ရှိနေသေးကြောင်း ဖော်ပြထားပေသည်။ ကျွန်ုပ်တို့၏ နေမိသားစုအတွင်း ဂြိုဟ် ၉ လုံး (ကမ္ဘာအပါအဝင်)ကို တွေ့ပြီး ဖြစ်သည်။ နေမိသားစုအတွင်း နောက်ထပ် ဂြိုဟ်များ ရှိမရှိ ရှာဆဲဖြစ်သည်။ နေမိသားစု၏ ပြင်ပတွင်လည်း ရှာဆဲဖြစ်သည်။

“(ထိုအရှင်မြတ်သည်ပင်) နေထွက်ရာ အရပ်နှစ်ခု၊ နေဝင်ရာ အရပ် နှစ်ခုလုံးကို အဆင့်ဆင့် ဖန်ဆင်း စိုးပိုင်တော်မူသော အရှင်ဖြစ်တော်မူ၏” (ကုရ်အာန် ၅၅း၁၇)

“ထိုအရှင်မြတ်သည် ညဥ့်ကိုနေ့အပေါ် (ယုကောင်ဝိရု) ‘ရစ်ပတ်လွှမ်းခြုံ’ တော်မူ၏။ ထိုနည်းတူ နေ့ကို ညဥ့်ပေါ်၌ ရစ်ပတ်လွှမ်းခြုံတော်မူ၏……” (ကုရ်အာန် ၃၉း၅)

နေ့နှင့်ည ကမ္ဘာကို လွှမ်းခြုံဖုံးအုပ်ရာတွင် ခေါင်းကို အဝတ်ရစ်ပတ်သကဲ့သို့ ‘ကွိုင်’ သဖွယ် ရစ်ပတ်ထားကြောင်းကို ‘ယုကောင်ဝိရု’ ဟူသော အရဗီ ကြိယာတစ်လုံးဖြင့် ဖော်ပြထားပေသည်။ ယနေ့ အာကာသ သိပ္ပံက အာကာသထဲမှ လကမ္ဘာပေါ်မှ ကမ္ဘာဂြိုဟ်ကို ကြည့်ရာတွင် ကမ္ဘာဂြိုဟ်သည် လုံးဝန်းသော သဏ္ဍာန်ရှိ၏။ ကမ္ဘာဂြိုဟ်သည် မိမိ၏ ဝင်ရိုးပေါ်တွင် 23-12 ဒီဂရီ တိမ်းစောင်းလျက် ၂၄ နာရီ တစ်ပတ်ကျ လည်နေ၏။ နေမင်းကြီးသည် အဆက်မပြတ် ထွန်းလင်းလျက် ရှိ၏။ ထို့ကြောင့် နေနှင့် မျက်နှာမူရာ ကမ္ဘာ၏ အစိတ်အပိုင်း ထစ်ဝက်သည် နေ့ဖြစ်၍ ကျန်တစ်ခြမ်းမှာ ညဖြစ်နေ၏။ ကုရ်အာန်မှ ပြဆိုသည့်အတိုင်း နေ့၏ အလင်းနှင့် ည၏ အမှောင်တို့မှာ ကမ္ဘာကို ကွိုင်သဖွယ် ရစ်ပတ် ဖုံးအုပ်ထားသည်။ အတိတ်ခေတ် ဥရောပသားတို့က ကမ္ဘာသည် ပြားသောသဏ္ဍာန် ရှိသည်ဟု ယုံကြည်နေချိန်တွင် မုစ်လင်မ် တက္ကသိုလ်များတွင် ကမ္ဘာသည် လုံးဝန်းသော သဏ္ဍာန် ရှိကြောင်း သင်ကြားနေခဲ့ကြပေသည်။

ကမ္ဘာဂြိုဟ်သည် နေကို ဗဟိုပြု၍ (၃၆၅)ရက်နှင့် (၆)နာရီတွင် တစ်ပတ်ကျ မိမိ၏ လမ်းကြောင်းမှ သွားလာ လည်ပတ်နေသည်။ တစ်ချိန်တည်းမှာပင် ကမ္ဘာကြီးသည် အနောက်မှ အရှေ့သို့ ၂၄ နာရီ တစ်ပတ်ကျ မိမိ၏ ဝင်ရိုးပေါ် ၂၃-၁၂ ဒီဂရီ တိမ်းစောင်းလျက် လည်ပတ်မှုကြောင့် အရှေ့အရပ်မှ နေထွက်လာသည်ကို မြင်ရခြင်း ဖြစ်သည်။ နေက ကမ္ဘာကို ပတ်နေခြင်း မဟုတ်ချေ။

တစ်နှစ်တာပတ်လုံး နေထွက်ရာနှင့် နေဝင်ရာ အရပ်တို့ကို စောင့်ကြည့်က နေထွက်ရာအရပ်သည် တစ်သမတ်တည်း မဟုတ်ဘဲ နေရာများစွာ ပြောင်းလဲနေသည်ကို တွေ့ရမည်။ နေဝင်ရာ အရပ်သည်လည်း နေရာများစွာ ပြောင်းလဲနေသည်ကို တွေ့ရ၏။ နေထွက်ရာအရပ်ဖြစ်စေ နေဝင်ရာအရပ်ဖြစ်စေ အစွန်းနှစ်ခုကြားတွင် ပြောင်လဲနေခြင်း ဖြစ်သည်။ စင်စစ် ကမ္ဘာသည် ၂၃-၁၂ ဒီဂရီ တိမ်းစောင်း၍ လည်နေသည်ကို တစ်နှစ်တစ်ကြိမ် မိမိ၏ လမ်းကြောင်းမှ ပတ်နေ၍ဖြစ်ပြီး ရာသီဥတုများ ဖြစ်ပေါ်လာခြင်း ဖြစ်သည်။ အမှန်တရား ရှာဖွေသူတို့အား ဖန်ဆင်းရှင် အလ္လာဟ်က လွန်ခဲ့သော နှစ်ပေါင်း ၁၄၀၀ ကျော်က ကုရ်အာန်တွင်း၌ နေထွက်ရာ အရပ်များ၊ နေဝင်ရာ အရပ်များကို ဖန်ဆင်းစိုးပိုင်တော်မူသော အရှင်သည် အလ္လာဟ်သာဖြစ်ကြောင်း ပြဆိုထားခြင်း ဖြစ်သည်။

“သို့ရာတွင် ထိုအရှင်မြတ်သည် အကြင်သူအား လမ်းမှား၌ပင် ထားရှိရန် ရည်စူးတော်မူပါလျှင် ထိုအရှင်မြတ်သည် ထိုသူ၏ ရင်(စိတ်နှလုံး)ကို အလွန့်အလွန် ကျဉ်းကျပ်စေတော်မူအံ့။ ထိုသူသည် မိုးကောင်းကင်သို့ တက်ရဘိသကဲ့သို့ ဖြစ်နေအံ့…..” (ကုရ်အာန် ၆း၁၂၅)

ဖန်ဆင်းရှင် အလ္လာဟ်သည် လူသားကို လွတ်လပ်စွာ ရွေးချယ်ပြုပိုင်ခွင့်နှင့် ဆင်ခြင်တုံတရား ပေးထားပြီးနောက် လူသားက မိမိကိုယ် မိမိစတင် မပြောင်းလဲသမျှ အလ္လာဟ်ကလည်း ပြောင်းလဲ မပေးချေ။ လူသားသည် မိမိ၏ အရှင်သခင် အလ္လာဟ်ကို လက္ခံ နာခံရန် ဆန့်ကျင်ပါက မိမိ၏ စိတ်နှလုံးကို မိမိဘာသာ အကျဉ်းချသူနှင့်သာ တူပေမည်။ ထို အာယာသ်တော်အရ မိုးကောင်းကင်သို့ တက်ရာတွင် (ရင်) အသက်ရှုကျပ်လာခြင်းကို သိပ္ပံပညာက အထက်သို့ တက်လေလေ ဖိနှိပ်အား ကျလေ ဖြစ်ကြောင်း တွေ့ရှိရပေသည်။

“အသင် မမြင်ခဲ့လေသလော့၊ ဧကန်မလွဲ ငါအရှင်မြတ်သည် မိုးကောင်းကင်မှ (မိုး)ရေကို ချပေးတော်မူခဲ့၏။ ထို့နောက် ငါအရှင်မြတ်သည် ထိုရေဖြင့် အရောင်အသွေး အမျိုးမျိုး ကွဲပြား ခြားနားသော သစ်သီးဝလံများကို ထွက်စေတော်မူခဲ့၏။ ထို့အတူ တောင်များ၌လည်း လိုင်းများ (အလွှာများ)ရှိကြပေရာ အချို့မှာ အဖြူ အချို့မှာ အနီများဖြစ်ကြသည့်ပြင် ၄င်းတို့၏ အရောင်များမှာ အထူးထူး အပြားပြား ဖြစ်ကြ၏။ အချို့မှာ အလွန် မည်းနက်၏။ ထို့ပြင် လူသားများ၊ တွားသွား သတ္တဝါများနှင့် ကုလားအုတ် ကျွဲနွား တိရစ္ဆာန် စသည်တို့တွင်လည်း အရောင်အဆင်း အမျိုးမျိုး ရှိကြပေသည်။ အလ္လာဟ်အရှင်မြတ်အား ထိုအရှင်မြတ်၏ ကျွန်များအနက် အသိပညာရှိသူများသာလျှင် မှန်ကန်စွာ ကြောက်ရွံ့ခန့်ညား ရိုသေကြကုန်၏။” (ကုရ်အာန်၃၅း၂၇-၂၈)

သိပံ္ပပညာ တိုးတက်လာသည်နှင့်အမျှ တောင်ကြီးများအတွင်းနှင့် မြေအောက်မှ ရေနံ၊ ရွှေ၊ ငွေ၊ ကျောက် သံ ပတ္တမြား စသည့် အသွင်မျိုးစုံ အရောင်မျိုးစုံ ရှိသည့် သယံဇာတ ပစ္စည်းများ ထုတ်ဖော်သုံးစွဲနိုင်ပေသည်။ လူသားတို့သည် ထိုပစ္စည်းများကို ပိုင်သူ ပြုလုပ်သူများ မဟုတ်ကြပေ။ ကျေးဇူးတော်ရှင် အလ္လာဟ်က လူသားတို့အကျိုးငှာ ပေးထားခြင်း ဖြစ်၏။

အလ္လာဟ်က သယံဇာတပစ္စည်းတို့အား လူသားတို့အကျိုးအတွက် ထုတ်ဖော်သုံးစွဲစေသည်။ ရွှေဟူသည်မှာ ဤဘဝအတွက် အသုံးအစွဲသာ ဖြစ်သည်။ တွယ်တာစရာ မဟုတ်ပေ။ အလ္လာဟ့်လမ်းတော်တွင် သုံးစွဲရန်ဖြစ်သည်။ တစ်ဦးတည်း သိမ်းဆည်း၍ လူသားတို့ အကျိုး လျစ်လျူရှုရန် မဟုတ်ပေ။ စင်စစ်မူကား ရုပ်တရားတို့၏ နောက်ကွယ်မှ သစ္စာတရားတို့ကို ဆင်ခြင်သိမြင်သူ ပညာရှင်(အာလင်မ်)တို့သည်သာ မှန်ကန်သူ၊ အောင်မြင်သူများ ဖြစ်ပေမည်။ (၃း၁၄။ ၃၁း၂၀။ ၄၃း၃၅)

“ထိုမှတစ်ပါး ငါအရှင်မြတ်သည် ယင်းကမ္ဘာဂြိုဟ်ဝယ် မြင့်စွင့်လှစွာသော တောင်များကို စိုက်ထူတော်မူသည်။ ၄င်းပြင် ငါအရှင်မြတ်သည် အသင်တို့အား ချိုမြသော ရေကို တိုက်ကျွေးတော်မူ၏” (ကုရ်အာန် ၇၇း၂၇)

တောင်ကြီးများသည် လူသားတို့အတွက် ရေချိုကို သိုလှောင်၍ တဖြည်းဖြည်း ထုတ်ပေးခြင်း။ အရိပ်နှင့် အကာအကွယ်ပေးခြင်း၊ အရောင်မျိုးစုံ အသွင်မျိုးစုံရှိသော သယံဇာတပစ္စည်းများကို ထုတ်ပေးခြင်း၊ မိုးရွာစေခြင်း စသည့် လုပ်ငန်းများစွာတို့ဖြင့် လူသားတို့အကျိုးပြုနေကြပေသည်။ လူသားတို့ကို သိ၍ ညှာတာ၍ တောင်ကြီးများက အကျိုးပြုနေကြခြင်း မဟုတ်ချေ။ ဖန်ဆင်းရှင် အလ္လာဟ်၏ သက်မှတ်ချက် အမိန့်တော်များကို နာခံ၍ တောင်များက လူတို့အကျိုး ပြုနေကြခြင်း ဖြစ်၏။ စင်စစ် အလ္လာဟ်က လူသားကို ဖန်ဆင်းထား၍ ကျန်အရာအားလုံးက လူသားကို အကျိုးပြုနေခြင်း ဖြစ်၏။ နောက်ကွယ်၌ မှန်ကန်သော ရည်ရွယ်ချက်ကား ရှိနေပေသည်။ (ကုရ်အာန် ၁၆း၈၁။ ၃၅း၂၇)

“အကယ်၍သာ ငါအရှင်မြတ်သည် ဤကျမ်းမြတ် ကုရ်အာန်ကို တစ်စုံတစ်ခုသော တောင်ပေါ်၌ ချထားပေးတော်မူခဲ့ပါလျှင် ထိုတောင်သည် အလ္လာဟ်အရှင်မြတ်အား ကြောက်ရွံ့သောကြောင့် နိမ့်ကျလျှက် အပိုင်းပိုင်းဖြစ်လျှက် ရှိသည်ကို အသင်သည် အမှန်ပင် တွေ့မြင်ရပေမည်။ စင်စစ် ငါအရှင်မြတ်သည် လူတို့ သုံးသပ် ဆင်ခြင်စဉ်းစားကြအံ့သောငှာ ယင်းဥပမာပုံဆောင်ချက်များကို ခိုင်းနှိုင်းဖော်ပြတော်မူ၏” (ကုရ်အာန် ၅၉း၂၁)

ကုရ်အာန်အရ တောင်များသည် ယင်းတို့၏ ဖန်ဆင်းရှင်ကို သိလျက် ကြောက်ရွံ့ ရိုသေစွာ နာခံနေကြ၏။ သို့သော် လူသားတို့က ၄င်းတို့၏ ဘာသာစကားကို နားမည်ကြ။ ဥပမာ အလ္လာဟ်၏ တမန်တော်ဖြစ်သူ ဒါဝုဒ်(ဒေးဗစ်)သည် တောင်များ၊ ငှက်များနှင့် အတူ ဖန်ဆင်းရှင် အလ္လာဟ်၏ ဘုန်းတော်တို့ကို ချီးမွမ်း သီဆိုခဲ့ကြ၏။ (၃၈း၁၈။ ၃၄း၁၀)။ ထို့ကြောင့် တောင်များ၊ ကျောက်တုံးကြီးများ၌ ထူးဆန်းသော သဘာဝအချို့ ရှိနိုင်သော်လည်း အလ္လာဟ်၏ သက်သေလက္ခဏာများသာ ဖြစ်၏။ လူသားတို့၏ ကိုးကွယ်ရာများ မဟုတ်ချေ။ (ကုရ်အာန် ၂း၇၄)

နိစ္စထာဝရ ပြီးပြည့်စုံနေသော အလ္လာဟ်အရှင်မြတ်ကို မတည်မြဲသော မပြီးမပြည့်စုံသော လူသားတို့က ဤရုပ်လောကတွင် မမြင်နိုင်ချေ။ သာမန်လူသား မဆိုထားဘိ၊ အလ္လာဟ်ထံမှ ဝဟီလမ်းညွှန်တော်များကို လက္ခံနိုင်သော အလ္လာဟ်၏ နဗီတို့သည်ပင် တိုက်ရိုက်မမြင်နိုင်ချေ။ ဥပမာ နဗီတမန်တော် မူဆာ(မိုးဇက်)သည် အလ္လာဟ်ကို တိုက်ရိုက်မြင်လိုကြောင်း ပန်ကြားရာ အလ္လာဟ်က မမြင်နိုင်ကြောင်း အာယာသ်တော်ပေး၏။ အလ္လာဟ်ထံမှ ဘုန်းတော်ကို တောင်ပေါ်တွင် ထင်ရှားစေသောအခါ တောင်သည်လည်း အစိတ်စိတ်ဖြစ်၍ တမန်တော် မူဆာသည်လည်း မေ့မြောခဲ့ရသည်။ ထို့ကြောင့် ဖန်ဆင်းရှင် အလ္လာဟ်ရှိကြောင်းကို တိုက်ရိုက် မမြင်နိုင်သော်လည်း အလ္လာဟ်၏ နဗီတို့ထံမှ တစ်ဆင့်ပေးသော ဝဟီလမ်းညွှန်များနှင့် ဖန်ဆင်းခံလောခပ်သိမ်းတွင်ရှိ သက်သေလက္ခဏာတော်များမှ တစ်ဆင့်သာသိနိုင်ပေသည်။ (ကုရ်အာန် ၇း၁၄၃)

“……..ကမ္ဘာဂြိုဟ်သည် ပြင်းထန်စွာ တုန်လှုပ်သောအခါ ယင်းပထဝီမြေဖြင့် ထိုအရှင်မြတ်သည် အသင်တို့အား မြေမျိုစေတော်မူမည် မဟုတ်ဟူ၍ စိုးရိမ်ကြောင့်ကြမှု ကင်းကြပြီလော့” (ကုရ်အာန် ၆၇း၁၆)

အတိတ်ခေတ် လူသားမျိုးဆက်များစွာတို့အနက် အလ္လာဟ်ကို လည်းကောင်း အလ္လာဟ်စေလွှတ်သော နဗီတမန်တော်များနှင့် အလ္လာဟ်၏ ဝဟီလမ်းညွှန်တို့ကို ငြင်းပယ်ရုံသာမက မတရားမှုများ ကျူးလွန်ခဲ့ကြ၍ ဤရုပ်လော၌ပင် စတင်၍ ပြင်းထန်သော ဒုက္ခဆိုးများ ရင်ဆိုင်ခဲ့ကြရပေသည်။ (စာမျက်နှာ (….) နဗီတမန်တော်များကဏ္ဍတွင် ကြည့်) လူသားတို့သည် အလ္လာဟ်၏ ပထဝီမြေပေါ်မှနေ၍ အလ္လာဟ်ပေးထားသော ကျေးဇူးများကို ခံစားနေပါလျက် မိမိ၏ အရှင်သခင်ကို ငြင်းပယ်၍ မတရားမှုများပြုပါလျှင် အလ္လာဟ်၏ပြစ်ဒဏ်မှ မည်သို့ပင် ရှောင်စေပါမူ လွတ်မည် မဟုတ်ပေ။ (ကုရ်အာန် ၆၇း၁၅-၂၁)

>ရေ၏ သက်သေလက္ခဏာ

လူသားတို့နေထိုင်ရာ ကမ္ဘာဂြိုဟ်သည် လည်းကောင်း၊ သက်ရှိများအတွက် လည်းကောင်း၊ ရေ၏ အရေးကြီးပုံကို ကုရ်အာန်ကျမ်းမြတ်က ဖော်ပြထားသည်။

“မယုံကြည်သူများ မသိမမြင်ခဲ့ကြသလော့။ စင်စစ် မိုးကောင်းကင်များနှင့် ကမ္ဘာဂြိုဟ်သည် မူလက ပူးကပ်လျက် ရှိသည်။ ထို့နောက် ငါအရှင်မြတ်သည် ယင်းနှစ်ခုလုံးကို တစ်ခုစီခွဲခြားတော်မူခဲ့သည်။ ထို့ပြင် ငါအရှင်မြတ်သည် ရေဖြင့် သက်ရှိခပ်သိမ်းကို ဖန်ဆင်းတော်မူခဲ့၏” (ကုရ်အာန် ၂၁း၃၀)

စကြဝဠာခပ်သိမ်းတို့သည် အစိတ်အပိုင်းတစ်ခုတည်းမှ ဖြစ်ပေါ်လာခဲ့၏။ ကမ္ဘာဂြိုဟ်သည်လည်း မူလအစိတ်အပိုင်း တစ်ခုတည်းမှ ခွဲထွက်လာခဲ့ခြင်းသာ ဖြစ်၏။ အလ္လာဟ်၏ ဘုန်းတော်နှင့် အမရ်စီမံမှု အမိန့်တော်တို့ကြောင့် သက်ရှိသက်မဲ့ခပ်သိမ်းတို့ အဆင့်ဆင့် ဆင့်ကဲဖြစ်ပေါ်ထင်ရှားလာလေသည်။ ကမ္ဘာဂြိုဟ်ပေါ်တွင်လည်း သက်မဲ့ရုပ်ပစ္စည်းများအတွင်း အလ္လာဟ်၏ ကဒရ် သတ်မှတ်ချက်အတိုင်း ဓာတုပြောင်းလဲမှုများ ဖြစ်ပေါ်၍ သက်ရှိများ စတင် ဖြစ်ပေါ်လာ၏။ အလ္လာဟ်သည် သက်ရှိအားလုံးကို ရေမှစတင် ဖြစ်ပေါ်စေခဲ့သည်။ ကုရ်အာန်၏ အသုံး(မာအ်)ရေဟူသည် ကောင်းကင်မှရေ၊ ပင်လယ်ရေ၊ အရည်များအားလုံးကို ရည်ညွှန်းသည်။ (ကုရ်အာန် ၂၀း၅၃။ ၂၄း၄၅)

သိပ္ပံပညာအရ စကြဝဠာ အတွင်း၌လည်းကောင်း၊ သက်ရှိများအတွင်း၌ လည်းကောင်း ၉၉ ရခိုင်နှုန်းမှာ အဓိကဒြပ်စင် ၆ မျိုး ပါဝင်သည်။ ဟိုက်ဒြိုဂျင်၊ အောက်စီဂျင်၊ ဟီလီယမ်၊ ကာဗွန်၊ နိုက်ထရိုဂျင်နှင့် နီယွန် တို့ဖြစ်ကြသည်။ ကမ္ဘာဂြိုဟ်တွင် တွေ့ရသော ဓာတုပစ္စည်းများနှင့် သုတေသနပြုဆဲ စကြဝဠာအတွင်းမှ ဓာတုပစ္စည်းများ ပျမ်းမျှအားဖြင့် တူညီနေကြောင်းတွေ့ရသည်။ သိပ္ပံပညာက သက်မဲ့ပစ္စည်းများမှာ အသက်ဆင့်ကဲ ဖြစ်ပေါ်လာကြောင်း လက္ခံသော်လည်း အသက်ဟူသည် အဘယ်နည်းဟူသည်ကို ဖွင့်ဆိုနိုင် ခြင်းမရှိချေ။

စကြဝဠာအတွင်း သက်ရှိနှင့် သက်မဲ့ဟူ၍ ၂ မျိုးတွေ့နိုင်၏။ အလ္လာဟ်သည် သက်မဲ့တို့ကို ရုပ်နှင့်စွမ်းအင်အသွင်ဖြင့် သဘာဝနိယာမ တရားများ သတ်မှတ်ထား၏။ ရုပ်နှင့် စွမ်းအင်တို့သည် ဖန်ဆင်းရှင် အလ္လာဟ်သတ်မှတ်ထားသော လမ်းညွှန်အတိုင်း နာခံဆောင်ရွက်လျက် မုစ်လင်မ် နာခံသူများ ဖြစ်နေကြ၏။

ကမ္ဘာဂြိုဟ်ပေါ်တွင် သက်ရှိများအဖြစ် သစ်ပင်ပန်းမန်လောက၊ တိရစ္ဆာန်လောကနှင့် လူသားများအဖြစ် ရုပ်/နာမ် အကောင်းဆုံး စွမ်းရည်များဖြင့် ဖန်ဆင်းထားရခြင်းဖြစ်၏။ သက်ရှိအားလုံးသည် ရေမှစတင်၍ ဆင့်ကဲဖြစ်စဉ်အရ ထင်ရှားဖြစ်ပေါ်ခဲ့ကြ၏။ အလ္လာဟ်၏ ကဒရ်သတ်မှတ်ချက်တွင် သက်ရှိအားလုံးကို ရေမှစတင်ခဲ့သည်ဖြစ်ရာ အလ္လာဟ်၏ ဘုန်းတော်နှင့် စီမံမှု အမိန့်တော်တို့သည် ရေပေါ်သက်ရောက်ခဲ့လေသည်။

“၄င်းပြင် ထိုအရှင်မြတ်သည် မိုးကောင်းကင်များကို လည်းကောင်း၊ ကမ္ဘာဂြိုဟ်ကို လည်းကောင်း ကာလ ၆ခုဖြင့် (အဆင့်ဆင့်) ဖန်ဆင်းထင်ရှား ဖြစ်ပေါ်စေတော်မူခဲ့၏။ စင်စစ် ထိုအရှင်မြတ်၏ အရရ်ှပလ္လင်တော်သည် ရေပေါ်၌ ရှိခဲ့လေသည်” (ကုရ်အာန် ၁၁း၇)

အရရ်ှပလ္လင်တော်သည် အလ္လာဟ်၏ အကြွင်းမဲ့ တတ်စွမ်းနိုင်တော်မူသော ဘုန်းတော်အနန္တနှင့် အမရ်စီမံမှုအမိန့်တော်ကို ဆိုလိုသည်။ ရုပ်တရားကဲ့သို့ အလ္လာဟ် ထိုင်တော်မူသည့် ပလ္လင်ကြီး မဟုတ်ချေ။ အလ္လာဟ်သည် လူသားနှင့် တိရစ္ဆာန်များအပါအဝင် သက်ရှိအားလုံးကို ရေမှစတင်စေခဲ့၏။

သက်ရှိများရှိရာ ကမ္ဘာဂြိုဟ်သည် နေစကြဝဠာတွင် ကျန်ဂြိုဟ်(၈)လုံးနှင့် မတူဘဲ ကမ္ဘာ့မျက်နှာပြင်၏ (၇၁)ရာခိုင်နှုန်းမှာ ရေဖြင့်ဖုံးလွှမ်းထားခြင်းကို တွေ့နိုင်သည်။ လူ၊ တိရစ္ဆာန်နှင့် သစ်ပင်ပန်းမန်တို့သည် ရေမရက သေကြေကုန်ကြမည် ဖြစ်၏။ ယင်းအသီးသီးတို့၏ ရုပ်ခန္ဓာဖွဲ့စည်းပုံအားလုံးတွင် ရေကို အများဆုံး တွေ့ရသည်။ လူ့ခန္ဓာကိုယ်တွင် (၇၀)ရာခိုင်နှုန်းမှာ ရေဖြစ်သည်။ လူ့ခန္ဓာကိုယ်တွင် သွေးထဲတွင်သာမက အမွှေးအမျှင်နှင့် အရိုးများအတွင်းထိ ရေဓာတ်ပါရှိသည်။ လူတစ်ဦးသည် တစ်နေ့လျှင် ၂ လီတာ လိုအပ်သည်။ ဆီသွားခြင်း၊ ချွေးထွက်ခြင်းနှင့် အသက်ရှုထုတ်ခြင်းတို့အတွက် လျော့သွားသော ရေကိုသောက်ခြင်းနှင့် အစားအစာ စားခြင်းတို့မှ ပြန်ရသည်။ စင်စစ် သစ်ပင်ပန်းမန် တိရစ္ဆာန်ပိုးမွှား အင်းဆက်အမျိုးမျိုးနှင့် လူသားတို့၏ ရုပ်ခန္ဓာသည် ဆဲလ်ကလေးများဖြင့် ဖွဲ့စည်းထားခြင်းသာဖြစ်သည်။ သက်ရှိတိုင်းတွင် အနည်းဆုံး ဆဲလ်တစ်ခုပါဝင်၍ သက်ဆိုင်ရာ သဘာဝအလိုက် များစွာပါဝင်သည်။ ဥပမာ လူ့ခန္ဓာကိုယ်တွင် ဆဲလ်ပေါင်း သန်းပေါင်း သန်း၆၀ ကျော်ပါဝင်၏။ ဆဲလ်အရွယ်အစား အမျိုးမျိုးရှိသည်။ ဆဲလ်တစ်ခုသည် ဓာတုဗေဒအရ ဒြပ်စင်များ စုပေါင်း ဖွဲ့စည်းထား၏။

ဆဲလ်တစ်ခုအတွင်း၌ ရေ (၇၇)ရာခိုင်နှုန်း ပါဝင်၍ ပရိုတင်း (၁၅)ရာခိုင်နှုန်း၊ အဆီ(၅)ရာခိုင်နှုန်း၊ ကာဘိုဟိုက်ဒရိတ် (၂)ရာခိုင်နှုန်း အခြားပစ္စည်းများ (၁)ရာခိုင်နှုန်းပါဝင်သည်။ ဆဲလ်တစ်ခုတိုင်းသည် မင်ဘရိန်း (Membrane) ခေါ် ပါးလွှာနူညံ့သော အလွှာအတွင်း၌ ရှိကြသည်။ ထိုဆဲလ်နှင့် ဆဲလ်ကို လွှမ်းအုပ်ထားသော အလွှာနှစ်ခုပေါင်း ‘ပရိုတိုပလာဇမ်’ ဟု ခေါ်သည်။ သက်ရှိတိုင်း၏ ဆဲလ်များတွင် ပါဝင်သည့် ရေအမျိုးအစားမှာ မတူညီချေ။ အနည်းဆုံး ၆၅ ရာခိုင်နှုန်းမှ ၉၆ ရာခိုင်နှုန်း အထက်ထိပါဝင်ကြသည်။ အဓိကအားဖြင့် ရေအများဆုံးပါဝင်သည့် ခြောက်သွေ့နေသော သစ်စေ့တစ်ခု၏ ဆဲလ်တစ်ခု အတွင်း၌ပင် ရေ ၂၀ ရာခိုင်နှုန်းမှ ၃၀ ရာခိုင်နှုန်းထိ ပါဝင်သည်။ စင်စစ် ရေမရှိဘဲ သက်ရှိမဖြစ်နိုင်။ ယခုအခါ သိပ္ပံပညာရပ်က ဆဲလ်တစ်ခုချင်းတိုင်းတွင် ဇီဝမျိုးရိုးဆိုင်ရာ ညွှန်ကြားချက်များပါဝင်သော အလွန်အံ့ဖွယ်ကောင်းသည့် ဒီအင်အေ (D.N.A) ခေါ် ဒြပ်ပေါင်းကို ရှာဖွေတွေ့ရှိ၏။ သက်ဆိုင်ရာ ဆဲလ်တစ်ခုချင်းသည် မိမိအတွင်း၌ ရှိနေသော ထို D.N.A ဒြပ်ပေါင်းရှိ ညွန်ကြားလွှာများ အတိုင်း နာခံဆောင်ရွက်နေကြပေသည်။ သို့သော် (D.N.A) ကိုယ်တိုင်က သက်ရှိမဟုတ်ဘဲ သက်မဲ့သာဖြစ်၏။ စင်စစ် ဖန်ဆင်းရှင် အလ္လာဟ်အရှင်မြတ်သည် အဏုမြူမှုန်ကလေးမှ စ၍အရာခပ်သိမ်းအထိ ကဒရ် သတ်မှတ်ထား၍ ဝဟီလမ်းညွှန်များ ပေးထားပြီးဖြစ်၏။ အရာခပ်သိမ်းကလည်း ဖန်ဆင်းရှင်အလ္လာဟ်ကို မုစ်လင်မ်အဖြစ် နာခံနေခြင်းသာဖြစ်၏။

သန်းပေါင်းများစွာသော ဂလက်ဆီကြီးများဖြင့် ရှိနေသော စကြဝဠာခပ်သိမ်းသည် အစိတ်အပိုင်းတစ်ခုတည်းမှ ဖြစ်ခဲ့ခြင်း၊ သက်ရှိအားလုံး ရေမှ စတင်ဖြစ်ပေါ်ခြင်း၊ သက်ရှိတို့၏ ဆဲလ်တို့တွင် D.N.A လမ်းညွှန်များ ပါဝင်နေခြင်း။ အရာခပ်သိမ်းသည် သဘာဝတရား၏ လမ်းညွှန်တစ်ခုတည်းကိုသာ နာခံနေမှု၏ နောက်ကွယ်တွင် ဖန်ဆင်းရှင် အလ္လာဟ်၏ ဘုန်းတော် ဂုဏ်တော်အနန္တကို မြင်တွေ့နိုင်ပေသည်။