တစ်ပါးတည်းသော အလ္လာဟ်နှင့် တစ်အုပ်တည်းသောကုရ်အာန်

တစ်ပါးတည်းသော အလ္လာဟ်နှင့် တစ်အုပ်တည်းသောကုရ်အာန် ကုရ်အာန်ကျမ်းမြတ်မတိုင်မီ အလ္လာဟ်ချပေးခဲ့သော တရားများ ကျမ်းများတို့သည် လူသားတို့၏ အကြည်ညိုလွန်ကဲမှုများ၊ အတ္တတရားများနှင့် သဘာဝအန္တရာယ်အမျိုးမျိုးတို့ကြောင့် မူရင်းပျက်ကာ အယူဝါဒများ ကွဲပြားကုန်ခဲ့ကြလေသည်။ လူသားတို့၏ ပြုပြင်ပြောင်းလဲမှု၊ ပြင်ဆင် တည်းဖြတ်မှု စသည့် စွက်ဖက်မှုများ ဝင်ရောက်လာတော့သည်။ ဤသို့ဖြင့် အယူဝါဒယုံကြည်ချက် တစ်ခုတည်းအတွင်း၌ပင်လျင် ကျမ်းများကွဲပြားကုန်တော့သည်။

ဘာသာစာပေများလည်း ပြောင်းလဲကုန်တော့သည်။ ကျမ်းတစ်အုပ်တည်းအတွက်ပင် ဘာသာများကွဲပြားလာကြ၏။ ထိုမှတစ်ဆင့် အဓိကယုံကြည်မှုနှင့် ကျင့်စဉ်တို့ပါ ကွဲပြားကုန်ကြတော့သည်။ သို့သော် အလ္လာဟ်ထံမှ နောက်ဆုံးကျမ်း ကုရ်အာန်၏ ထူးခြားမှုကို ကြည့်ပါ။

“၄င်းတို့သည် ကုရ်အာန်ကျမ်းမြတ်ကို လေ့လာဆင်ခြင်သုံးသပ်ခြင်းမရှိကြလေသလော၊ အကယ်၍သာ ယင်း(ကုရ်အာန်)သည် အလ္လာဟ်အရှင်မြတ်မှတစ်ပါး အခြားသူတို့ထံမှ (ရောက်ရှိလာသော ကျမ်းဂန်)သာ ဖြစ်ခဲ့ပါမူ ထိုသူတို့သည် ၄င်း(ကုရ်အာန်)တွင် မြောက်မြားစွာသော ကွဲလွဲမှုတို့ကို ဧကန်မလွဲ တွေ့ရှိခဲ့ကြရကုန်အံ့” (ကုရ်အာန် ၄း၈၂)

ကုရ်အာန်ကျမ်းမြတ်သည် နိစ္စထာဝရဖြစ်တော်မူသော တစ်ပါးတည်းသော အလ္လာဟ်အရှင်မြတ်ထံတော်မှဖြစ်ပေရာ ကျရောက်စဉ်မှစ၍ ယနေ့တိုင် ကမ္ဘာနှင့်အဝန်း ဒေသအားလုံးတွင် မူရင်းအတိုင်း အာရဗီဘာသာစာပေ တစ်မျိုးတည်းဖြင့်သာ ကွဲပြားခြားနားမှုအလျင်းမရှိဘဲ တည်တံ့နေတော့သည်။ ကမ္ဘာ့မုစ်လင်မ်လောကတွင် မူရင်းကုရ်အာန် အမည်တစ်မျိုးတည်းဖြင့် အသွင်ကွဲလုံးဝမရှိ်ချေ။ တစ်အုပ်တည်းသော မူရင်း ကုရ်အာန်ကျမ်းတွင်လည်း ရှေ့နောက် မညီညွတ်မှုလုံးဝ မရှိချေ။ ဂိုဏ်းဂဏကို အခြေခံ၍ ကျမ်းကွဲပြားမှုလည်းမရှိ။ ကုရ်အာန်အစိတ်အပိုင်း အချို့ကိုသာ လက္ခံကျင့်သုံးနိုင်၍ အချို့အစိတ်အပိုင်းကို လက္ခံကျင့်သုံးနိုင်မှုမရှိဟူသော ပြဿနာမျိုး ရှေးကျမ်းများကဲ့သို့ မရှိချေ။

>သံသယရှင်များကို ဖိတ်ခေါ်ချက်

ဘာသာစကား၊ သို့မဟုတ် စာပေတစ်ခုတည်းပင်လျင် နှစ်ပေါင်းတစ်ရာနှစ်ရာ စသည်ဖြင့် ကြာလာသောအခါ အသုံးအနှုန်းများ ရွေ့လျော ပြောင်းလဲသွားကြပေရာ ကျမ်းတစ်စောင်ကို ကာလကြာမှ ပေထက် အက္ခရာတင်ခြင်း၊ သို့မဟုတ် တည်းဖြတ်ပြင်ဆင်ခြင်းတို့ပြုရာတွင် မူရင်းနှင့် များစွာကွာခြားသွားနိုင်ပေသည်။ သို့သော် ကုရ်အာန်ကျမ်းမြတ်မှာမူကား အလ္လာဟ်၏ ကတိတော်ဖြင့် လုံခြုံသန့်စင်စွာ မူရင်းမပြောင်းဘဲ ရှိနေပေသည်။ ထို့ပြင် အလ္လာဟ်အရှင်မြတ်သည် မည်သည့် လူတန်းစားကိုမျှ ကုရ်အာန်ကျမ်းမြတ်အား ပြုပြင်ပြောင်းလဲပြင်ဆင်ပိုင်ခွင့် ပေးမထားချေ။

“ဤကျမ်းမြတ်သည် (ကုရ်အာန်) ဓမ္မက္ခန်တည်း။ ယင်း ကျမ်းမြတ်နှင့် စပ်လျဉ်း၍ ယုံမှားသံသယဖြစ်ဖွယ်ရာ အလျင်းမရှိပြီ” (ကုရ်အာန်၂း၂)

တမန်တော်ချုပ် မုဟမ္မဒ်သခင်သည် ကုရ်အာန်ကျမ်းမြတ်ကို စတင်ဟောကြားခဲ့စဉ်က လူတို့က တမန်တော်မြတ်အား

“ရူးသွပ်သူ ပြုစားခြင်းခံနေရသူ” စသည်ဖြင့် စွပ်စွဲခဲ့ကြသည်။ ကုရ်အာန် (၆၈း၂)။ သို့သော် တမန်တော်မြတ်၏ ဆွေမျိုးသားချင်းများ၊ ရင်းနှီးသော ဂုဏ်သရေရှိပုဂ္ဂိုလ်များက လက္ခံကြသောအခါ အခြားလူတို့က “စုန်းအတတ်၊ ဂါထာမန္တရား” ဟု စွပ်စွဲကြပြန်သည်။ (ကုရ်အာန် ၇၄း၂၄)။

ထိုအချိန်မှစ၍ ယနေ့တိုင် ခေတ်အဆက်ဆက် လူသားတို့၏ စွပ်စွဲချက်ကား ကုရ်အာန်ကျမ်းမြတ်သည် အလ္လာဟ်ထံမှ မဟုတ်ဘဲ လူသား၏စကားများ “လူသား၏ အတွေးအခေါ်များ” ဟူ၍ဖြစ်သည်။ (ကုရ်အာန် ၇၄း၂၅)။

ကျမ်းမြတ်ကုရ်အာန်နေရာ အနှံ့အပြားတွင် (လာအိလားဟ အစ်လလ္လာဟ်) အလ္လာဟ်မှအပ ကိုးကွယ်ရာ မရှိကြောင်းနှင့် (မုဟမ္မဒွန် ရစူလွလ္လာဟ်) မုဟမ္မဒ်သခင်သည် အလ္လာဟ်၏ စေလွှတ်ခြင်းခံရသော တမန်တော်ဖြစ်ကြောင်းကို ဖော်ပြထားပေသည်။။ သို့သော် “အလ္လာဟ် အရှင်မြတ်မရှိ” “မုဟမ္မဒ်သခင်သည် နဗီတမန်တော်မဟုတ်” “ကုရ်အာန်သည် အလ္လာဟ်ထံမှ မဟုတ်”ဟု သံသယရှိစွပ်စွဲသူအားလုံးတို့ကို အလ္လာဟ်ရှိကြောင်း သက်သေလက္ခဏာတော်အဖြစ် ကုရ်အာန်ကျမ်းမြတ်ကို မည်သည့် ဖန်ဆင်းခံကမျှ ယှဉ်နိုင်စွမ်း မရှိအောင် အလ္လာဟ်အရှင်မြတ်က ပြုလုပ်ထားပေသည်။

>အလ္လာဟ်၏ ဖိတ်ခေါ်ချက်

“ငါအရှင်မြတ်၏ အစေတော် (မုဟမ္မဒ်)ထံသို့ ငါအရှင်မြတ်အဆင့်ဆင့် ထုတ်ပြန်ပို့ချတော်မူသော ကုရ်အာန်ကျမ်းမြတ်နှင့်စပ်လျဉ်း၍ အကယ်၍ အသင်တို့ ယုံမှားသံသယဒွိဟ ရှိပါလျင် ထို(ကုရ်အာန်)ကျမ်းမြတ်နှင့် အလားတူ စူရာဟ်ကဏ္ဍတစ်ခုမျှ (စီကုံးရေးသား၍) ယူဆောင်လာကြကုန်လော့။ အကယ်၍ အသင်တို့သည် မှန်ကန်သောစကားပြောဆိုသူများ ဖြစ်ကြပါလျင် (ထိုသို့စီကုံးရေးသားရာတွင်) အလ္လာဟ်အရှင်မြတ်နှင့် ပြိုင်ဆိုင်၍ အသင်တို့အား ကူညီယိုင်းပင်းမည့်သူများ (သက်သေများ)ကိုလည်း ခေါ်ဆောင်လာကြကုန်လော့။ (ကုရ်အာန် ၂း၂၃)

“၄င်းတို့က (ယင်း နဗီတမန်တော် မုဟမ္မဒ်သည်) ထို (ကုရ်အာန်)ကို လီဆယ် ဖန်တီးခဲ့သည်ဟု ပြောဆိုကြသလော။ အသင် ပြောလော့။ သို့ဖြစ်လျင် အသင်တို့သည် ထို ကုရ်အာန်ကျမ်းလာ စူရဟ်ကဏ္ဍကဲ့သို့ (အသင်တို့ကိုယ်တိုင်) လီဆယ်ဖန်တီးထားသော စူရဟ်ကဏ္ဍဆယ်ခုကိုပင် ယူဆောင်လာကြလေကုန်။ ၄င်းပြင် အသင်တို့သည်မှန်ကန်စွာ ပြောဆိုကြသူများ ဖြစ်ကြပါလျင် အလ္လာဟ်မှ တစ်ပါး မိမိတို့ တတ်နိုင်သော (အခြားကူညီမည့်) သူများကိုလည်း ခေါ်ကြလေကုန်” (ကုရ်အာန် ၁၁း၁၃)

“အသင် ပြောလော့။ အကယ်၍ လူသားအပေါင်းတို့သည်လည်းကောင်း၊ ဂျင်န်အပေါင်းတို့သည် လည်းကောင်း ဤ ကုရ်အာန်ကျမ်းမြတ်တော်နှင့် အလားတူသော ကျမ်းကို ပြုစုယူလာရန် စုရုံးကြပြီးလျှင် တစ်ဦးကိုတစ်ဦး (အစွမ်းရှိ်သမျှ) ယိုင်းပင်းကူညီငြားသော်လည်း ၄င်းတို့သည် ယင်း ကုရ်အာန်ကျမ်းတော်မြတ်နှင့် တူသောကျမ်းကို စီကုံးရေးသား ယူဆောင်လာနိုင်ကြမည် အလျင်းမဟုတ်ပေ။ (ကုရ်အာန် ၁၇း၇၈)

တစ်ဖန် အကယ်၍ (အသင်တို့၏ မှားယွင်းသော ကိုးကွယ်အားကိုးရာ) ၄င်းတို့က အသင်တို့ (ပြောဆိုကြသည်)ကို ကူညီခြင်းမပြုနိုင်ခဲ့ပါလျင် (ဤကုရ်အာန်သည်) အလ္လာဟ်အရှင်မြတ်၏ ဉာဏ်တော်ဖြင့်သာလျင် ချပေးသနားတော်မူခဲ့ခြင်းဖြစ်ကြောင်းကို လည်းကောင်း၊ ထိုအရှင်မြတ်မှတစ်ပါး ခဝပ်ကိုးကွယ်ရာ အရှင်ဟူ၍ အလျင်းမရှိကြောင်းကို လည်းကောင်း အသင်တို့ ကောင်းစွာ ယုံကြည်ကြလေကုန်။ သို့ဖြစ်ပေရာ အသင်တို့သည် အမိန့်တော်ကို နာခံသူများ ဖြစ်ကြပြီလော့” (ကုရ်အာန် ၁၁း၁၄)(အစ္စလာမ့်ယုံကြည်ချက်)။

စင်စစ်မှာမူကား ၄င်းတို့သည် မိမိတို့ကိုယ်တိုင် မသိနားမလည်သော အရာကို (စဉ်းစားဆင်ခြင်ခြင်း မပြုဘဲ) မဟုတ် မမှန်ဟုငြင်းပယ်ခဲ့ကြကုန်၏” (ကုရ်အာန် ၁၀း၃၉)။

အလ္လာဟ်သည် ဖန်ဆင်းခံလူသားတို့အနက် အလ္လာဟ်ရှိကြောင်းနှင့် ကု၇်အာန်သည် အလ္လာဟ်ထံမှနောက်ဆုံး ဝဟီလမ်းညွှန်ဖြစ်ကြောင်းနှင့် စပ်လျဉ်း၍ သံသယရှိသူများ၊ မဖွယ်မရာ စွပ်စွဲသူများ၊ ပညာမာနထောင်သူ ရုပ်ဝါဒီများ အားလုံးကို ဖိတ်ခေါ်ချက်၊ သို့မဟုတ် စိန်ခေါ်ချက် ပြုထားသည်၊ အနည်းဆုံး ကုရ်အာန်ကျမ်းတွင် ပါရှိသော ကဏ္ဍတစ်ပုဒ်ကို ယှဉ်ပြိုင်ရေးသားကြရန် ရေးသားရာတွင် မိမိတို့အားထားရာများ အားလုံးကို စုပေါင်း၍ ရေးကြရန်ဖြစ်သည်။

ကုရ်အာန်နှင့် အလားတူ ကျမ်းတစ်အုပ်၊ သို့တည်းမဟုတ် ကဏ္ဍတစ်ခုမျှသာ စီကုံးရေးသားရန်ဟု ဆိုရာတွင် ကုရ်အာန်ကျမ်းမြတ်ကဲ့သို့ ဘာသာစာပေ သန့်စင်မှု၊ မြင့်မား နက်နဲသော သဒ္ဒါ အသုံးအနှုန်း သိမ်မွေ့ နက်နဲလှသော ရသ၊ စနစ်ကျ၍ စည်းကမ်းချက် ကျသော နာပျော်ဖွယ် အသီလှိုင်း၊ လွယ်ကူစွာ အာဂုံဆောင် အလွတ်ကျက်မှတ်နိုင်ရန် ဖွဲ့စည်းထားမှု၊ ပြည့်ဝနက်နဲ ခိုင်မာသော အင်အား၊ နားလည်လွယ်၍ ရိုးရှင်းသော်လည်း နက်နဲ ပြည့်ဝမှု၊ အသွင်တူမရှိ။ အင်အားပြည့်ဝ၍ ဆွဲဆောင်မှုကောင်းသော ဝါကျ၊ အကြောင်းအရာများနှင့် စပ်လျဉ်း၍လည်း တိကျမှန်ကန်သော အတိတ်သမိုင်းများ၊ အနာဂတ်ကာလအတွက် သင်ခန်းစာ ယူနိုင်ရန် ကြိုတင်အသိပေးထားချက်၊ ခေတ်တိုင်း လူမျိုးတိုင်း၊ ဒေသတိုင်းအတွက် သဟဇာတဖြစ်စေသော လမ်းညွှန်များ၊ သိပ္ပံခေတ်၊ အာကာသခေတ်၊ ကွန်ပြူတာခေတ်နှင့် ခေတ်အဆက်ဆက် မပျက်စီးစေရန် စွက်ဖက်မှုများမှ ကင်းစေရန် စီမံဖန်တီးမှု သင်္ချာဗေဒနှင့် ကွန်ပြူတာ စနစ်များအရ အက္ခရာ စာလုံးလေးများ အံ့ဖွယ် အချိတ်အဆက်ဖြစ်ကာ၊ နေရာယူထားမှု၊ သံသယရှင်တို့အားဆန်းစစ်ရန် စိန်ခေါ်မှုနှင့် အခြားဖြစ်သော အရည်အချင်းများဖြင့် ပြည့်စုံစေရန် ယှဉ်ပြိုင်ရေးရန်ဖြစ်၏။

စင်စစ်လူသားတို့ အသိဉာဏ် မြင့်တက်လာသည်နှင့်အမျှ ကုရ်အာန်၏ အံ့ဖွယ်တို့ကို ပို၍တွေ့လာလေဖြစ်သည်။ ဖန်ဆင်းရှင် အလ္လာဟ်က ဖန်ဆင်းခံလူသားတို့သည် မည်သည့်ခေတ်၊ မည်သည့် ဒေသတွင်မျှ ကုရ်အာန်ကို ယှဉ်ပြိုင်၍ ရေးနိုင်စွမ်း၊ ဖျောက်ဖျက်နိုင်စွမ်း မရှိဟု ဆိုထားသည်။ (ကုရ်အာန် ၂း၂၄)

တမန်တော်ချုပ် မုဟမ္မဒ်သခင်သည် အစ္စလာမ် ပြန်လည်ထွန်းညှိ ချိန်မှစ၍ ခေတ်အဆက်ဆက်တွင် အစ္စလာမ်ကိုမလိုလားသူ ရန်သူတို့က ပွင့်လင်းစွာသော် လည်းကောင်း၊ မုစ်လင်မ်အယောင်ဆောင်၍ လျှို့ဝှက်စွာသော် လည်းကောင်း၊ ကုရ်အာန်ကို ဖျက်ဆီးရန်ကြံခဲ့ကြသည်။ (၂၀) ရာစုတွင်လည်း အနောက်တိုင်းတစ်ခွင်းလုံး၌ (ကုရ်အာန် မူရင်းကို ယှဉ်ပြိုင်နိုင်စွမ်းနှင့် ဖျက်ဆီးနိုင်စွမ်း မရှိသောအခါ) လွဲမှားသောကုရ်အာန် ဘာသာပြန်များကို ရေးသားထုတ်ဝေ၍ လူသားတို့ အစ္စလာမ်ကို မုန်းတီးစေရန် ကြိုးစားကြသည်။ ထိုလွဲမှားသော ဘာသာပြန်တို့ကို မှီငြမ်း၍ စာအုပ်ပေါင်းများစွာ ရေးသားခဲ့ကြသည်။ မုစ်လင်မ်အယောင်ဆောင်တို့ကလည်း မုစ်လင်မ်အမည်ဖြင့် စာပေများထုတ်ဝေခဲ့ကြသည်။

မုစ်လင်မ် မဟုတ်သူတို့ ရေးသားသော အစ္စလာမ်စာပေများ၊ ကုရ်အာန် ဘာသာပြန်များကို ဖတ်၍ ကမ္ဘာ့လူသားများစွာတို့ အစ္စလာမ်အပေါ် အထင်လွဲလျက်ပင် ရှိနေသေးသည်။ ကိုလိုနီ စနစ်ဖြင့် အိန္ဒိယ၊ ပါကစ္စတန်၊ ဘင်္ဂလားဒေ့ရှ်၊ မြန်မာပြည် စသည်တို့ကို အုပ်စိုးခဲ့သော ဗြိတိသျှအစိုးရသည်လည်း ထိုစနစ်ကို ကျင့်သုံးကာ အုပ်ချုပ်ခံ နိုင်ငံများအတွင်း၌ သွေးခွဲရေးပြဿနာများစွာ ကျင့်သုံးခဲ့သည်။ မှားယွင်းသော အစ္စလာမ် စာပေများကို ထုတ်ဝေစေခဲ့၏။ မုစ်လင်မ် အယောင်ဆောင်လက်ပါးစေတို့အား မုစ်လင်မ်အမည်ဖြင့် ဝါဒဖြန့် စာပေများကိုထုတ်ဝေစေခဲ့သည်။ “အစ္စလာမ်” ဟူသော မြင့်မြတ်သည့် အမည်ကိုပင် “မုဟမ္မဒင်သာသနာ”ဟု နှိမ့်ချပြောင်းလဲ ခေါ်ဝေါ် သုံးစွဲစေခဲ့သည်။ သို့သော် မည်သူတစ်ဦးတစ်ယောက်ကမျှ ကု၇်အာန်မူရင်းကို ဖျက်ဆီးနိုင်စွမ်း၊ ယှဉ်ပြိုင်နိုင်စွမ်း မရှိချေတကား။

>အကြွင်းမဲ့သိတော်မူသော အလ္လာဟ်နှင့် ကုရ်အာန်

ခေတ်တိုင်း လူမျိုးတိုင်းအတွက် အလ္လာဟ်ထံမှ အကြီးကျယ်ဆုံး သက်သေလက္ခဏာ ကုရ်အာန်ကို တစ်ဦးချင်း၊ သို့မဟုတ် စုပေါင်း ယှဉ်ပြိုင်နိုင်စွမ်း မရှိပါဘဲလျက် အလ္လာဟ်ကို မည်သို့ ငြင်းမည်နည်း အလ္လာဟ်သည် အကြွင်းမဲ့သိတော်မူသော အနန္တဉာဏ်တော်ရှင် ဖြစ်ပေရာ မိမိချပေးသော ကုရ်အာန်၏ အာယာသ်တော်များကိုလည်း ခေတ်အဆက်ဆက် လူသားမျိုးဆက်အားလုံးတို့၏ အသိဉာဏ်၊ ပညာတို့ဖြင့် ဖွင့်ဆို၍ မကုန်နိုင်အောင် ပြုစွမ်းနိုင်တော်မူသည်

“စင်စစ်သော်လည်း အကယ်၍ ဧကန်အမှန် ကမ္ဘာဂြိုဟ်ရှိ သစ်ပင် အသီးသီးတို့သည် ကလောင်များဖြစ်ခဲ့၍ ပင်လယ်သမုဒ္ဒရာသည် မင်ဖြစ်ခဲ့ပြီး ယင်း ပင်လယ်ရေကုန်ခန်းပြီးနောက် ပင်လယ်သမုဒ္ဒရာခုနှစ်ခုသည် (ယင်း ခန်းခြောက်ပြီးဖြစ်သော ပင်လယ်ကို) ထပ်မံ၍ ဖြည့်အံ့ငြားလည်း အလ္လာဟ်အရှင်မြတ်၏ အာယာသ်တော်များကား (ရေးသားဖွင့်ဆို၍) ကုန်ဆုံးမည် မဟုတ်ပေ။ (အဘယ့်ကြောင့်ဆိုသော်) ဧကန်မလွဲ အလ္လာဟ်သည် ဘုန်းတော်အနန္တနှင့် ပြည့်စုံတော်မူသော အရှင်၊ ဉာဏ်တော်အနန္တနှင့် ပြည့်စုံတော်မူသော အရှင်မြတ် ဖြစ်တော်မူပေသည်” (ကု၇်အာန် ၃၁း၂၇) (အစ္စလာမ့်ယုံကြည်ချက်)

တမန်တော်မြတ် မုဟမ္မဒ်သခင်သည် ပွင့်တော်မူစဉ်က များစွာသောသူတို့က မုဟမ္မဒ်သခင်သည် အလ္လာဟ်ထံမှ တမန်တော်မဟုတ်မဟုတ် ပညာစမ်းကြသည်။ အတိတ်ခေတ် သမိုင်းများကို မေးခဲ့ကြသည်။ လိုအပ်ပါက အလ္လာဟ်ထံမှ အဖြေနှင့် သက်သေလက္ခဏာအဖြစ် ကုရ်အာန်အာယာသ်တော်များ ကျရောက်လာလေသည်။ ဥပမာ- နှစ်ပေါင်း ၃၀၉ နှစ် အိပ်ပျော်ခဲ့သော လူငယ်တစ်စုအကြောင်း ၁၈း၉-၂၅)၊ ဇုကရ်နိုင်မင်းနှင့် ယာဂျုဂ်ျ ၊ မာဂျုဂ်ျမျိုးနွယ်နှစ်ခု (၁၈း၉၃-၉၉)၊ ရူဟ်ဝိညာဉ်အကြောင်း (၁၇း၈၅) စသည်တို့ ဖြစ်သည်။

ကုရ်အာန်အတွင်း၌ အခြားများစွာသော မှန်ကန်တိကျသည့် သမိုင်းဖြစ်ရပ်တို့ကို ဖော်ပြထားပေသည်။ လူသားတို့သင်ခန်းစာ ယူနိုင်ရန်အတွက် အလ္လာဟ်က အချို့သော အနာဂတ်တွင် ဖြစ်မည့် ဖြစ်ရပ်အချို့ကို အမိန့်တော်များပေးခဲ့ရာ များစွာဖြစ်ခဲ့ပြီးဖြစ်သည်။