ကုရ်အာန်နှင့် မုနာဖိက်အယောင်ဆောင် အန္တရာယ်

ကုရ်အာန်နှင့် မုနာဖိက်အယောင်ဆောင် အန္တရာယ် အစ္စလာမ်သာသနာကို နောက်ဆုံးတမန်တော်ချုပ်ကပြန်လည်ထွန်းညှိချိန်မှစ၍ အဖျက်အင်အားစု များစွာတို့က ဆန့်ကျင်တိုက်ခိုက်ခဲ့ကြသော်လည်း မအောင်မြင်ခဲ့ကြချေ။ ထိုအခါ အစ္စလာမ်သာသနာ၏ ရန်သူများစွာတို့သည် မုနာဖိက်ခေါ် အစ္စလာမ်သာသနာကို လက္ခံသူ အယောင်ဆောင်များ အဖြစ် ဖျက်ဆီးရန် ဝင်ရောက်လာခဲ့ကြသည်။ ထို့ကြောင့် အလ္လာဟ်က မုစ်လင်မ်တို့အား သတိပေးတော်မူ၏။ မုနာဖိက် (အယောင်ဆောင်)တို့သည် ရန်သူထက်ပင် ဆိုးရွားလှ၏။ ငရဲ၏ အပြင်းထန်ဆုံး အခြေအနေ၌ ၄င်းတို့ ခံစားကြရပေမည်။ (ကုရ်အာန် ၄း၁၄၅။ ၅၈း၁၄-၁၉)

အစ္စလာမ်သာသနာ၏ အခြေခံအုတ်မြစ်ဖြစ်သော ကုရ်အာန်ကျမ်းမြတ်၏စာသား (အာယာသ်တော်)များသည် ဖန်ဆင်းရှင် အလ္လာဟ်၏ စောင့်ရှောက်ထားမှုကြောင့် မည်သည့် ဖန်ဆင်းခံကမျှ ဝင်ရောက်ပြုပြင် စွက်ဖက်နိုင်ခြင်း မရှိဘဲ သန့်စင်နေ၏။ ထိုအခါ မုစ်လင်မ်အယောင်ဆောင်တို့သည် ကုရ်အာန်ကျမ်းမြတ်၏ ပြင်ပမှနေ၍ ကုရ်အာန်၏ စာသားများကို ဖျက်ဆီးရန် ကြံခဲ့ကြသည်။ The Hundred စာအုပ်အရ တမန်တော်ချုပ် မုဟမ္မဒ်သခင်သည် ကုရ်အာန် ကျမ်းမြတ်၏ လမ်းညွှန်အတိုင်း ဘဝတည်ဆောက်ပြခဲ့၍ အောင်မြင်ခဲ့ရာ ယနေ့တိုင် အကြီးအကျယ်ဆုံး ပုဂ္ဂိုလ်အဖြစ် အသိအမှတ်ပြုကြရ၏။ တမန်တော်မြတ်၏ (စွန္နသ်)ဓလေ့တော်များ (ခုလုက်) ကိုယ်ကျင့်တရား အားလုံးသည် ကုရ်အာန်၏ လမ်းညွှန်အတိုင်းသာဖြစ်၏။ ကုရ်အာန်နှင့် ဆန့်ကျင်၍ တစ်ခုမျှ မပြုခဲ့ချေ။

မုစ်လင်မ်တိုင်းသည် တမန်တော်မြတ်ကို အသက်ပေး၍ ချစ်ကြသည်။ ဤအချက်ကို မုနာဖိက် မုစ်လင်မ်အယောင်ဆောင်တို့က အသုံးချခဲ့ကြသည်။ တမန်တော်မြတ် မပြောခဲ့သော ဟဒီးဆ်စကား အတုအယောင်များစွာ လုပ်ကြံ၍ တမန်တော်မြတ် ပြောခဲ့သည်ဟု ဆိုသည်။ မမှန်ကန်သော ဖြစ်ရပ်တို့ကိုလည်း တမန်တော်မြတ်အမည်တပ်၍ ပြောဆိုခဲ့ကြသည်။ စာပေများ ရေးသားကြသည်။ အစ္စလာမ့်သမိုင်းတွင် ကုရ်အာန်ကျမ်းမြတ်၏ ပြင်ပတွင် ကုရ်အာန်နှင့် ကိုက်ညီ၍ တမန်တော်မြတ် အမှန်ကတယ် ပြောခဲ့သော ဟဒီးဆ် စကားများ၊ ဖြစ်ရပ်များရှိသလို ကုရ်အာန်နှင့် ဆန့်ကျင်၍ အမှန်တကယ် မဟုတ်သည့် ဟဒီးဆ်တုများ၊ ဖြစ်ရပ်များကို ဖော်ပြချက်များစွာတို့ ပေါ်ပေါက်လာလေတော့သည်။ ကုရ်အာန်ကျမ်းမြတ်သည် အလ္လာဟ်ထံမှ ဝဟီအဖြစ် တမန်တော်ထံကျရောက်၍ တမန်တော်မြတ်ကိုယ်တိုင် စီစစ်၍ထားခဲ့ခြင်းဖြစ်သည်။ တမန်တော်မြတ် ဝဖသ်ဖြစ်ကွယ်လွန်တော်မူသောအခါ တမန်တော်မြတ်၏ ဟဒီးဆ်သြဝါဒများ၊ အတ္ထုပ္ပတ္တိသမိုင်းကို ပြုစုသူ ပညာရှင်များ ပေါ်ပေါက်လာ၏။ ဟဒီးဆ်ပညာရှင်၊ အစ္စလာမ့် သမိုင်းပညာရှင်တို့သည် မုဖိက်အယောင်ဆောင်နှင့် ကိုယ်ကျိုးရှာသမားတို့ကြောင့် သိန်းနှင့်ချီ၍ ဖောင်းပွနေသော ဟဒီးဆ်များ ဖြစ်ရပ်များအတွင်းမှ မှန်ကန်ခိုင်လုံသည်ဟု ယူဆရသော ဟဒီးဆ်များ ဖြစ်ရပ်များကို ရွေးချယ်ကြလေသည်။

ဤသို့ဖြင့် မည်သို့ ရွေးချယ်ရမည်၊ မည်သို့ အဆင့်အတန်း ခွဲခြားရမည် စသည်တို့ကို လေ့လာသော ဟဒီးဆ်ပညာရပ် ပေါ်ပေါက်လာ၏။ ထို့ကြောင့် တမန်တော်မြတ်၏ ဟဒီးဆ်သြဝါဒတစ်ပုဒ်ကို ဖြစ်စေ၊ သမိုင်းဖြစ်ရပ်တစ်ခုကို ဖြစ်စေ၊ ကုရ်အာန်ကျမ်းမြတ်၏ အခြေခံမှုများနှင့် ကိုက်ညီမှာသာ အစ္စလာမ် သာသနာတွင် လက္ခံရပေသည်။ ကုရ်အာန်နှင့် ဆန့်ကျင်သော ဟဒီးဆ်များနှင့် သမိုင်းဖြစ်ရပ်တို့ကို လက်မခံချေ၊ သို့သော် ကုရ်အာန်ကျမ်းမြတ်သည် တမန်တော်မြတ်၏ အတ္ထုပ္ပတ္တိ မဟုတ်ချေ၊ ခေတ်တိုင်း လူမျိုးတိုင်းအတွက် ပြီးပြည့်စုံသော ဝဟီလမ်းညွှန်အဖြစ် အလ္လာဟ်က ချပေးထားခြင်း ဖြစ်သည်။

ကုရ်အာန်ကျမ်းမြတ် ဖြစ်ပေါ်လာပုံ သမိုင်းစဉ်ကို တမန်တော်မြတ်မရှိသည့်နောက် လူသားတို့ ပြုစာသော သမိုင်းစာအုပ်များတွင် အဆိုအမျိုးမျိုးဖြင့် ဖော်ပြထား၏။ ဥပမာ- တမန်တော်မြတ်သည် စနစ်တကျ စီစဉ်ပြီးသော ကျမ်းအသွင်ဖြင့် ကုရ်အာန် ကျမ်းမြတ်ကို မထားနိုင်ခဲ့၍ တမန်တော်မြတ်ကို ဆက်ခံသော ခလီဖဟ်ကြီး အဘူဘကရ် သခင်က ပြုစုရသည်။ ဆွဟာဘဟ်ကြီး ဇိုက်ဒ်သခင်သည် ပြုစုရသည်။ တချို့ကမူ ဒုတိယမြောက် ခလီဖဟ်ကြီး အုမရ်သခင်က ပြုစုရသည်။ တချို့ကမူ တတိယမြောက် ခလီဖာဟိကြီး အုစ်မာန်သခင်က တည်းဖြတ်ပြုစုရသည်။ အချို့ကမူ အုစ်မာန်သခင်သည်ပင် အမှားများပါသော ကုရ်အာန်ကို ထားခဲ့၍ နှစ်ပေါင်းများစွာကြာမှ ဟတ်ဂျဂ်ျအိဘ်နိယူစုဖ်က တည်းဖြတ် ပြုပြင်ရသည်။ စသည့် ဖော်ပြမှုတို့သည် ကုရ်အာန်ကျမ်းမြတ်ကို အထင်သေးစေသည့် မှားယွင်းသော သမိုင်းမှတ်တမ်းများသာ ဖြစ်ကြ၏။ {Materials for History of Text of Quran by Arthur Jaffary} သို့သော် ကုရ်အာန်ကျမ်းမြတ်သည် လူသားတို့၏ မှားယွင်းသော ဖော်ပြချက်များ စွပ်စွဲချက်များကို စိန်ခေါ်လျက် သန့်စင်စွာပင်ရှိနေသည်။ ကုရ်အာန်ကျမ်းမြတ် ဖြစ်ပေါ်လာပုံ သမိုင်းကို ကုရ်အာန်ကျမ်းမြတ်အတွင်း၌ပင် အလ္လာဟ်က ဖော်ပြထားပုံတို့ကို ဖော်ပြခဲ့ပြီး ဖြစ်ပေသည်။

ကုရ်အာန် စတင်ကျရောက်ကတည်းက ကလောင်၏ အရေးကြီးမှု၊ တမန်တော်မြတ်သည် ကျရောက်လာသည့် အာယာသ်တော်တိုင်းကို ရေးသားမှတ်တမ်းတင်စေခြင်း၊ စစ်ဆေးခြင်း အလွတ်ကျက်မှတ်ကြစေခြင်း၊ ကုရ်အာန်၏ စူရဟ် အစီအစဉ်များကို အလ္လာဟ်က ဝဟီဖြင့်ပင် တမန်တော်မြတ်၏ နှလုံးသားထဲ ထည့်ပေးခြင်း၊ တမန်တော်မြတ် ရှိစဉ်ကပင် ကျမ်း(ကိသာဘ်) အဖြစ် စာရွက်ပေါ်တွင် ရေးသားပြီးဖြစ်ခြင်း၊ ထိုကျမ်းအတိုင်း ဖတ်ရွတ် ဟောကြားခြင်း စသည်တို့ကို ကုရ်အာန်၏ အလင်းရောင်အောက်တွင် လေ့လာခဲ့ပြီး ဖြစ်၏။

ထို့ကြောင့် တမန်တော်မြတ် ဝဖသ်ဖြစ်တော်မူသောအခါ တမန်တော်မြတ်ကို ဆက်ခံသော ခလီဖာဟ်ကြီးများနှင့် ဆွဟာဘဟ်ကြီးများ တာဝန်မှာ စနစ်တကျ ရှိနှင့်ပြီးဖြစ်သည့် တမန်တော်မြတ်ကိုယ်တိုင် စီစဉ်ထားသော မူရင်း ကုရ်အာန်ကို မိတ္တူပွား၍ ဖြန့်ဝေရေးတာဝန်သာ ရှိပေသည်။ မည်သည့် ပြုပြင်ပြောင်းလဲမှု၊ တည်းဖြတ်မှုကိုမျှ ပြုလုပ်ရန် အကြောင်းမရှိပေ။ စက္ကူပြုလုပ်နည်းမှာ (အေဒီ-၁၀၅) ခုနှစ်ကတည်းက တရုတ်ပြည်တွင် (TS’ AI LUN) ဆိုသူက တီထွင်ခဲ့ပြီး ဖြစ်သည်။

သို့သော် တမန်တော်မြတ်နှင့် ဆွဟာဘဟ်ကြီးများ ခေတ်ကာလ (အေဒီ ၇-ရာစု)က ယခုခေတ်ကဲ့သို့ ပုံနှိပ်စက်များ မရှိသေး၊ ထို့ကြောင့် မိတ္တူပြုရာတွင် သားရေနှင့် စာရွက်များပေါ်တွင် လက်ရေးဖြင့် ကူးယူရ၍ အချိန်ကြာသည်။ ကူးယူပြီး မိတ္တူများကိုသာ မူရင်းနှင့် တိုက်ဆိုင် စစ်ဆေးခြင်းတည်းဖြတ်ခြင်းတို့ကို ကုရ်အာန်ကို အစအဆုံး အလွတ်ရကြသော ဆွဟာဘဟ်ကြီးတို့ ပြုလုပ်ခဲ့ကြသည်။ တတိယမြောက် ခလီဖဟ်ကြီး အုစ်မာန်သခင်လက်ထက်တွင် အစ္စလာမ်သာသနာသည် အာရဗ်မဟုတ်သော နိုင်ငံများသို့ပါ ရောက်နေပေရာ ခလီဖဟ်ကြီးသည် ကုရ်အာန်မိတ္တူမှန်များစွာတို့ကို တမန်တော်မြတ်၏ ဆွဟာဘဟ်ကြီးများနှင့်အတူ ပြုလုပ်၍ ဗဟိုမြို့ကြီးများစွာသို့ ဖြန့်ဝေ ပို့ပေးခဲ့သည်။ ခလီဖဟ်ကြီး အုစ်မာန်သခင်သည် မိမိဖြန့်ဝေခဲ့သည့် ကုရ်အာန်မိတ္တူမှန်နှင့် မတူသော ကုရ်အာန်အားလုံးကိုလည်း ဖျက်ဆီးစေခဲ့သည်။ ကုရ်အာန်ကို စနစ်တကျ အသံထွက်၍ ရွတ်ဖတ်နိုင်စေ “ကာရီ” များစွာကိုလည်း စေလွတ်သင်ကြားစေခဲ့သည်။ ခလီဖာကြီး အုစ်မာန်ဖြန့်ဝေခဲ့သော ကုရ်အာန်မိတ္တူများ အနက် တစ်စောင်မှာ ဆိုဗီယက်နိုင်ငံ တပ်ရှကင့် (Tashkent) မြို့တွင် ယနေ့တိုင် ရှိနေသေးသည်။ အနောက်တိုင်း သုတေသီများပင် ကုရ်အာန်ကျမ်းမြတ်သည် တမန်တော်မြတ် ထားပေးခဲ့သည့် အတိုင်း သန့်စင်စွာရှိနေကြောင်း ဆိုကြရပေသည်။ ဥပမာ ကမ္ဘာကျော် ဗြိတိသျှ စွယ်စုံကျမ်းကြီး (Encyclopedia Britanca) တွင် ကုရ်အာန်ဟူသော ခေါင်းစဉ်အောက်၌ ဥရောပသား သုတေသီတို့က ကုရ်အာန်၏ စာကိုယ်တွင် နောက်ပိုင်းကာလများ၌ ဖြည့်စွက်ချက်များရှိကြောင်း သက်သေပြရန် ကြိုးစားမှုများအားလုံးသည် လုံးဝအချည်းအနှီးဖြစ်ခဲ့၏ဟု ဆို၏။

{Sir. William muir} က မုဟမ္မဒ်၏ အတ္ထုပ္ပတ္တိ {Lif of Muhammad} ၌ မုဟမ္မဒ်သခင်ကိုယ်တိုင် အသုံးပြုခဲ့၍ သူပေးခဲ့သော ကုရ်အာန်၏ စာကိုယ်များနှင့် တိကျစွာတူညီသော ကုရ်အာန်၏စာကိုယ်များ ကျွန်ုပ်တို့လက်ထဲတွင် ရှိနေကြောင်းသက်သေပြရန် အတွင်းအပြင် သက်သေသာဓ အမျိုးအစား အားလုံးတို့ ရှိနေပေသည်ဟု ဖော်ပြထားသည်။

အာရဗ်မျိုးနွယ်အားလုံးတို့အဖို့ ကုရ်အာန်ကို အသံထွက်မှန်ကန်စွာ ဖတ်နိုင်သော်လည်း အာရဗီ ဘာသာ စာပေသည် မိခင်ဘာသာ စာပေမဟုတ် သူတို့အတွက် အသံထွက်မှန်ရန် အခက်အခဲပေါ်လာခဲ့၏။ ထို့ကြောင့် ဟစ်ဂျရီသက္ကရာဇ် ၄၅ မှ ၅၃ ခုနှစ်များအတွင်း မုစ်လင်မ် ပညာရှင်တို့က အာရဗ်မဟုတ်သူတို့ အသံထွက်မှန်စေရန် သင်္ကေတ ကလေးများအဖြစ် အစက်ကလေးများအဖြစ် အစက်ကလေးကို စတင်တီထွင်သုံးစွဲလာ၏။ ဟစ်ဂျရီသက္ကရာဇ် ၆၅-၈၅ ခုနှစ်များတွင် လက်ရှိ အသုံးပြုနေသော (ဇေ-ဇဘရ်-ပေ့ရှ် စသော) သင်္ကေတများကို တီထွင်ခဲ့ကြ၏။ အာရေမဟုတ်သူတို့ အသံထွက်မှန်ကန် တိကျရန်ထည့်သွင်းပေးခြင်း ဖြစ်၏။ ကုရ်အာန်၏ မူရင်း စာကိုယ်နှင့် အဓိပ္ပာယ်ကို လုံးဝမထိခိုက်ချေ။ (အလ်လာမဟ် မောင်ဒူဒီ၏ ကုရ်အာန်သဖ်စီရ်တွင်ကြည့်ပါ)

>နိစ္စထာဝရအရှင်နှင့် မပျက်စီးသောကုရ်အာန်

ကုရ်အာန် မတိုင်မီ အလျင်ချပေးသော ကမ္ဘာ့ကျမ်းစအားလုံးတို့သည် မူရင်းအတိုင်းမရှိတော့ပေ။ မုဟမ္မဒ်သခင်သည် အလ္လာဟ်ထံမှ နောက်ဆုံး တမန်တော်ချုပ်ဖြစ်သည်။ ကုရ်အာန်သည် အလ္လာဟ်ထံမှနောက်ဆုံး ဝဟီလမ်းညွှန်ကျမ်းဖြစ်သည်။ ကိယာမသ်ခေါ် ရှင်ပြန်ထရမည့်နေ့တိုင် နောက်ထပ်နဗီတမန်တော် အသစ်ပွင့်စရာ မရှိတော့ ကျမ်းအသစ်၊ တရားအသစ်ကျရောက်စရာလည်း မရှိတော့။ ထို့ကြောင့် အလ္လာဟ်အရှင်မြတ်က မိမိသည် နိစ္စထာဝရဖြစ်တော်မူ၍ စကြဝဠာ လောကခပ်သိမ်း သက်ရှိသက်မဲ့ ခပ်သိမ်းတို့ကို စောင့်ရှောက်ထားတော်မူသော အရှင်၊ ကုရ်အာန်ကျမ်းမြတ်ချပေးတော်မူသော အရှင်မြတ်ဖြစ်တော်မူကြောင်း၊ သက်သေလက္ခဏာတော်အဖြစ် ကုရ်အာန်ကျမ်းမြတ်ကို ယခင်ကျမ်းများကဲ့သို့ လူသားတို့၏ စွက်ဖက်ပြုပြင် ဖျက်ဆီးမှုများမှ ကာကွယ်ထားပေသည်။

“ဧကန်စင်စစ် ငါအရှင်မြတ်သည်ပင်လျင် ဤဆုံးမသြဝါဒ (ကုရ်အာန်)ကို အဆင့်ဆင့် ချပေးသနားတော်မူခဲ့လေသည်။ ထို့ပြင် ငါအရှင်မြတ်သည်ပင်လျင် ယင်းဆုံးမသြဝါဒတော် (ကုရ်အာန်)ကို စောင့်ရှောက်တော်မူမည့် အရှင်မြတ် ဖြစ်တော်မူပေသတည်း” (ကုရ်အာန် ၁၅း၉)

“အမှားသည် ယင်းကျမ်းမြတ်တွင် ၄င်း၏ရှေ့မှလည်း (ပွင့်လင်းထင်ရှားစွာ) လာရောက်စွက်ဖက်နိုင်ခြင်းမရှိပေ။ ၄င်း၏နောက်မှလည်း (တိတ်တဆိတ် လျို့ဝှက်စွာ) လာရောက်စွက်ဖက်နိုင်ခြင်း မရှိပေ။ (အဘယ့်ကြောင့်ဆိုသော်) ဤကျမ်းမြတ်သည် ဉာဏ်တော်အနန္တနှင့် ပြည့်စုံတော်မူသော နိစ္စထာဝရ ချီးမွမ်းခြင်းခံထိုက်တော်မူသော အရှင်မြတ်ထံတော်မှ အဆင့်ဆင့်ချပေးတော်မူသော ကျမ်းမြတ်ဖြစ်ပေသည်” (ကုရ်အာန်၄၁း၄၂)

ကုရ်အာန်ကို အစ္စလာမ်ရန်သူများက ထင်ရှားစွာလည်း မဖျက်နိုင်ခဲ့ကြ၊ မုစ်လင်မ်အယောင်ဆောင်တို့သည် လျှို့ဝှက်စွာလည်း မဖျက်ဆီးနိုင်ခဲ့ကြချေ။ အစ္စလာမ်သည် ကိယာမသ်နေ့တိုင် ထာဝရတည်တံ့မည့် သာသနာ ဖြစ်၏။

>လူသားစွက်ဖက်မှုကင်းခြင်း

ကျမ်းမြတ်ကုရ်အာန်သည် အလ္လာဟ်အရှင်မြတ်၏ စောင့်ရှောက်မှုဖြင့် မူရင်းအတိုင်း လုံခြုံစွာ ရှိနေပြီးဖြစ်သည်။ ထို့ကြောင့် တမန်တော် မုဟမ္မဒ် မရှိသည့်နောက်ပိုင်း ခေတ်အဆက်ဆက်တွင် ရေးသားသူနှင့် ရေးသားခြင်း ပြဿနာမရှိ၊ သာသနာတွင်းနှင့် သာသနာ့ပြင်ပမှ လူသားအားလုံးတို့၏ ပြုပြင်မှု၊ ပြောင်းလဲမှု၊ ပြင်ဆင်မှု၊ ဖြည့်စွက်ရမှု ဖယ်ထုတ်ရမှု စသည့် ပြဿနာများ မရှိချေ။

>ဘာသာစာပေ၏ ထူးခြားချက်

ကုရ်အာန်ကို လက္ခံရယူရသူ တမန်တော်ချုပ် မုဟမ္မဒ်သခင်သည် အာရဗ်တစ်ဦးဖြစ်၍ အာရဗီစာပေဖြင့် ကျရောက်ခဲ့ခြင်းသာ ဖြစ်သည်။ (ကုရ်အာန် ၄၁း၄၂)၊ အာရဗ် မျိုးနွယ်များအနက် အဆင့်အမြင့်ဆုံး ကုရိုက်ရ်ှတို့၏ အာရဗီစာပေ ဖြစ်ပေသည်။ ထိုအာရဗီ စာပေနှင့် ဘာသာစကားမှာ ကုရ်အာန်ကျရောက်ပြီးနောက် လူ့သမိုင်းတစ်လျောက်တွင် ပျောက်ကွယ်သွားသော ဘာသာစာပေ မဟုတ်။ သေသွားပြီးမှ ပြန်၍ရှင်သန်လာသော ဘာသာစာပေလည်း မဟုတ်၊ ခေတ်အဆက်ဆက် ရှင်သန်လျက် သုံးစွဲသူများသည်ထက် များလာသည်၊ ထို့ပြင် လူနည်းစုကသာ သုံးစွဲသော ဘာသာစာပေလည်း မဟုတ်။ အာရဗ်နိုင်ငံများသာမက ကမ္ဘာ့မုစ်လင်မ်များနှင့် မုစ်လင်မ်မဟုတ်သူများပင် သုံးစွဲနေသော ထာဝရရှင်သန်နေသည့် ဘာသာစာပေ ဖြစ်ပေသည်။

>ရွတ်ဖတ်ခြင်းအများဆုံးခံရသောကျမ်း

ကုရ်အာန်ဟူသော အဓိပ္ပာယ်မှာ ရွတ်ဖတ်ခြင်းဟူ၍ရ၏။ ကုရ်အာန်သည် မုစ်လင်မ်တို့နေ့စဉ် အများဆုံး ရွတ်ဖတ်ခံရသော ကျမ်းဖြစ်၏။ ယခုအခါ ကမ္ဘာ၏ လေးပုံတစ်ပုံ (သန်းပေါင်း တစ်ထောင်ကျော်) လူသားတို့မှာ မုစ်လင်မ်များဖြစ်ကြ၏။ တမန်တော်မြတ်ရှိစဉ်မှစ၍ မုစ်လင်မ် အမျိုးသား၊ အမျိုးသမီးတိုင်း နေ့စဉ် (၅)ကြိမ် ဆွလာသ်ဝတ်ပြုမှုတွင်လည်း အာယာသ်တော်များကို ရွတ်ဖတ်ဆင်ခြင်းရ၏။ သီးခြားလေ့လာမှု ပြုကြရ၏။ ကုရ်အာန်၏ လမ်းညွှန်အတိုင်းသာတည်ဆောက်ကြရ၏။ လမြတ်ရမ်ဇန်သည် ကုရ်အာန်ကျရောက်သည့်လ ဖြစ်သည်။ မုစ်လင်မ်တို့ တစ်လလုံး ဆွီယာမ်ဥပုသ်သီလ ဆောက်တည်၍ ထိုလတွင် ကုရ်အာန်ကျမ်းမြတ် အစအဆုံး ဖတ်ရွတ်ကြရ၏။ မုစ်လင်မ်တို့၏ အိမ်တိုင်း၊ နိုင်ငံတိုင်းရှိ ဗလီတိုင်းနှင့် မက္ကာမြို့ရှိ ကအ်ဘဟ်ကျောင်းတော်ကြီးတွင် ကုရ်အာန်ရွတ်ဖတ်မှု အသံတို့က ကမ္ဘာကြီးကို ၂၄ နာရီပတ်လုံး ပဲ့တင်ထပ်စေလျက် ရှိသည်။ သန်းနှင့်ချီ၍ရှိသော ဟာဖီဇ်တို့၏ နှလုံးသားတွင်လည်း ကုရ်အာန်ကို အစအဆုံး အလွတ်ရ ကိန်းအောင်းလျက် ရှိနေ၏။