‘ဂျန္နသ်’ နိစ္စထာဝရ ပြီးပြည့်စုံသော ငြိမ်းချမ်းမှု အခြေအနေ

‘ဂျန္နသ်’ နိစ္စထာဝရ ပြီးပြည့်စုံသော ငြိမ်းချမ်းမှု အခြေအနေ တမလွန်၏ သဘာဝကို လက်ရှိ လူသားတို့၏ အသိတို့ဖြင့် လွှမ်းခြုံနိုင်စွမ်း မရှိသော်လည်း အလ္လာဟ်က ‘မဆာလ်’ခေါ် ဥပမာများ ပုံဆောင်၍ ပြခြင်းသာ ဖြစ်၏။ ဥပမာကို ဥပမာအဖြစ်သာ နားလည်ရပေမည်။ လူသားတို့၏ မှတ်တမ်းစာအုပ်ကြီး ဟူသည်မှာလည်း ရုပ်လောကမှ အမှုဖိုင်တွဲများကို ဆိုခြင်းမဟုတ်ပေ။ တရားစီရင်သည်ဟု ဆိုရာတွင်လည်း အလ္လာဟ်က ပလ္လင်ပေါ်ထိုင်၍ တရားသူကြီးအဖြစ် ဤရုပ်လောကမှ တရားသူကြီးများကဲ့သို့ စစ်ဆေးခြင်းကို ဆိုလိုသည် မဟုတ်ပေ၊ ကိယာမသ်နေ့တွင်ဖြစ်မည့် သဘာဝအားလုံးကို လူသားတို့ ဉာဏ်မမီနိုင်။ ဖော်ပြနိုင်သော စကားလုံးလည်း မရှိချေ။ သို့သော် အလ္လာဟ်သည် ကိယာမသ် ရှင်ပြန်ထကြရမည့်နေ့တွင် လူသားတို့ သိမြင်နိုင်စွမ်းကို ပေးမည်ဖြစ်ပေသည်။

“ယနေ့သော်ကား အသင်(လူသား)၏ မြင်နိုင်သော သတ္တိမှာ ထိုးဖောက်မြင်နိုင်စွမ်း ရှိပေသတည်း” (ကုရ်အာန် ၅၀း၂၂)

“စင်စစ် ၄င်း(ယုံကြည်သူ)တို့အဖို့ ၄င်းတို့ ပြုကျင့်ခဲ့ကြသည်များ၏ အကျိုးကျေးဇူးအဖြစ် (တမလွန်တွင်) ၄င်းတို့အတွက် လျှို့ဝှက်စွာ ထားရှိပြီးဖြစ်သော (ဂျန္နသ်) မျက်စိကြည်လင်အေးမြမှုကို မည်သူတစ်ဦးတစ်ယောက်မျှပင် မသိနိုင်ပေတကား” (ကုရ်အာန် ၃၂း၁၇)

အထက်ပါ အာယာသ်တော်အရ ဂျန္နသ်၏ သဘာဝမှာလည်း လူသားတို့မှန်းဆ၍ မရချေ။ ကုရ်အာန်တွင် မဆာလ် ခေါ် ဥပမာတင်စားမှုဖြင့်သာ ပြဆိုထား၏။ ဂျန္နသ်၏ ငြိမ်းချမ်းမှု သာယာမှု၊ လုံခြုံမှု၊ ဒုက္ခတရား ကင်းဝေးမှု၊ နှစ်လိုဖွယ်ဖြစ်မှု၊ မည်သည့်အခါမျှ ဆုံးရှုံးမှုမရှိတော့သည့် ထာဝရဖြစ်မှု၊ ပျင်းရိဖွယ်ကင်းမဲ့မှု၊ မသန့်စင်မှုများမှ ကင်းစင်မှု စသည့် သဘာဝတို့ကို ဥပမာ တင်စားပြဆိုထားပေသည်။ ထို့ကြောင့် ကုရ်အာန်က အာရဗီစာပေအရ

ဥပမာတင်စား ပြထားသည့် ဂျန္နသ်တွင်းမှ မြစ်ချောင်းများ၊ အရက်ချောင်းများ၊ နို့ချောင်းများ စီးထွေနေမှု၊ ‘ဟူရ်’ သန့်စင်လှပမှု သဘာဝများ၊ အစေခံများ၊ ရွှေငွေရတနာ၊ ပိုး၊ ဖဲ၊ ကတ္တီပါများ၊ သီးနှံများ စသည်တို့မှာ ဤရုပ်တရားမှ မတည်မြဲသော၊ မသန့်စင်သော သဘာဝများကို ဆိုလိုခြင်းမဟုတ်၊ ရုပ်သဘာဝ မဟုတ်ချေ။ ကုရ်အာန်အရ အစ္စလာမ် သာသနာတွင် လူသားအတွက် သံသရာလည်ခြင်း မရှိပေရာ ဂျန္နသ်သည် နတ်ပြည်နတ်နန်းကဲ့သို့ ‘ဘုံ’ တစ်ခု မဟုတ်ချေ။ ဘုံ ဟူသော အသုံးအနှုန်းမှာ မိမိ၏ ကုသိုလ်ကံ အရှိန်ကြောင့် ခံစားစံစားရသော ရလဒ်ဖြစ်၍ မိမိ၏ ကံကုန်ပါက ပို၍မြင့်သော ဘုံ၊ သို့မဟုတ် ပို၍နိမ့်သော ဘုံတစ်ခုသို့ ရောက်သွားသော ယုံကြည်မှုကို ဖော်ပြသော အသုံးအနှုန်း ဖြစ်၏။

သို့သော် ဂျန္နသ်သည် လူသားတစ်ဦး ဤလောက၌ ရှိစဉ်က ကြိုးပမ်းမှု၏ (ကံ၏) အကျိုးကျေးဇူးအဖြစ် ရသည်မှန်သော်လည်း မဟာကရုဏာတော်ရှင် အလ္လာဟ်၏ အနန္တကရုဏာဖြင့် အတိုင်းအဆမရှိ ချီးမြင့်မှု ဖြစ်ပေသည်။ ထို့ပြင် မည်သည့်အခါတွင်မျှလည်း ထိုပြီးပြည့်စုံသော ငြိမ်းချမ်းမှုမှ နှင်ထုတ်ခြင်းခံရမည်လည်း မဟုတ်ချေ။ ထာဝရ ဒုက္ခကင်းဝေးမှု အခြေအနေကို ခေါ်ပေသည်။ ထို့ပြင် ဤရုပ်လောက၏ အိပ်၊ စား၊ ကာမတရားတို့ဖြင့် ကင်းလွတ်နေပေသည်။ ဤရုပ်လောကရှိ အကောင်းဆုံးဟု လူတို့ထင်သောအရာများထက် အတိုင်းအဆမရှိ မှန်းဆ၍ မရလောက်အောင် တည်ငြိမ်အေးချမ်းသော အခြေအနေဖြစ်၏။ (ကုရ်အာန် ၁၅း ၄၈။ ၃၅း၃၅။ ၃၉း၂၀။ ၁၆း၅၇။ ၆၆း၈)

ဂျန္နသ်၏ ထာဝရငြိမ်းချမ်းမှု အခြေအနေနှင့် စပ်လျဉ်း၍ ‘ဟရ်’ ဟူသော အာရဗီ စာလုံးနှင့် အရက်ချောင်းဟူသော ဥပမာ တင်းစားမှုကို နားလည်မှု မလွဲမှားရန် အရေးကြီးသည်။ ‘ဟူရ်’ ဟူသော စာလုံးကို ကုရ်အာန်၌ (၄၅း၅၄။ ၅၂း၂၀။ ၅၅း၇၂။ ၅၆း၂၂) လေးနေရာတွင် တွေ့နိုင်သည်။ ‘ဟူရ်’ဟူသော စာလုံးသည် ကညာပျိုကို ဆိုလိုခြင်း မဟုတ်ပေ၊ အာရဗီ သဒ္ဒါအရ ‘မ’လိင်ကိုသာ ဆိုလိုခြင်း မဟုတ်ဘဲ ဂျန္နသ်တွင် ယောကျာင်္းများသာ ဟူရ် ကညာပျိုများ ရကြမည်ဟု ကုရ်အာန်က ဆိုလိုခြင်း မဟုတ်ပေ။ ကုရ်အာန် ၃း၅၂ တွင် ‘ဟာဝါရီယွန်း’ (ဟူရ်များ) ဟူ၍ တမန်တော်အီစာ၏ ဆွဟာဘဟ်တို့အား သန့်စင်မှုဂုဏ်ပေး၍ ခေါ်ဆိုထားသည်။ အလ္လာဟ် ရှေ့တော်တွင် အမျိုးသား၊ အမျိုးသမီးအားလုံး အတူတူသာ ဖြစ်၏။ နဖ်စ်ဝိညာဉ် တစ်ခုစီသာ ပိုင်ကြ၏။ ထိုနဖ်စ်ကို အဆင့်မြင့်ဆုံး ပြုသူသည် သာလွန်မွန်မြတ်လှပေသည်။ အမျိုးသမီးများအတွက် သီးခြားဂျန္နသ်ဟူ၍ မထားချေ။ ဂျန္နသ်၏ သဘာဝတွင် အိပ်ခြင်း၊ စားခြင်း၊ ကာမနှင့် လိင် စသော ရုပ်သဘာဝများ မရှိချေ။ နဖ်စ်ဝိညာဉ်လို နဖ်စ်၏ သဘာဝဖြင့် ရကြမည့် ထာဝရငြိမ်းချမ်းမှုသာဖြစ်သည်။ (ကုရ်အာန် ၄၀း၄၀)

ထို့ကြောင့် ဂျန္နသ်တွင် ‘ဟူရ်’ များ ရကြမည်ဟု ဆိုရာတွင် နဖ်စ်ဝိညာဉ်တိုင်းသည် ‘သန့်စင်နှစ်လိုဖွယ် အဖော်မွန်’များကို ရုပ်ကာမ သဘာဝဖြင့် မဟုတ်ဘဲ ဂျန္နသ်၏ သဘာဝဖြင့် ရမည်ကို ဆိုလိုခြင်းဖြစ်သည်။ ထို့ပြင် ဂျန္နသ်တွင် ရောက်ရှိသူတို့အား မိမိ၏ ဇနီး ခင်ပွန်းနှင့် မိသားစုတို့ကို အလ္လာဟ်က ထာဝရငြိမ်းချမ်းစွာ ပြန်လည်ဆုံတွေ့ပေးမည်ဟု ဆိုထားပေသည်။ (ကုရ်အာန် ၅၂း၂၁။ ၄၃း၆၅)

ထို့ပြင် ဂျန္နသ်ရှိ လုလင်ပျိုကလေးများ (ကုရ်အာန် ၅၂း၂၄။ ၅၆း၁၇။ ၇၆၁၉)ဟူသော ဥပမာမှာလည်း ဂျန္နသ်၏ အို၊ နာ၊ သေခြင်းဒုက္ခတရားများမှ ကင်းစင်မှုကို ဆိုလိုခြင်းဖြစ်သည်။ ထို့အတူ ဂျန္နသ်တွင် နို့ချောင်း၊ ပျားရည်ချောင်းနှင့် အရက်ချောင်းများ စီးထွေနေသည်ကို ဆိုရာတွင် ဤရုပ်လောကမှ လူကို မူးယစ်စေသော အရက်သေစာကို ဆိုနေခြင်း မဟုတ်ပေ။ ဤလောကမှ အရက်သေစာသည် လူသားကို အလ္လာဟ်ထံမှဝေးစေ၍ ရှိုဿွာန်လမ်းစဉ်သို့ရောက်၍ ပြစ်မှုကျူးလွန်စေ၏။ သို့သော် ဂျန္နသ်မှ အရက်ဟူသော ဥပမာသည်ကား ယစ်မူးခြင်း၊ ခေါင်းကိုက်ခြင်း၊ ပြစ်မှုကျူးလွန်မှုကို အားပေးခြင်း ရှိုဿွာန်လမ်းစဉ် ရောက်စေခြင်း အလ္လာဟ်ကို မေ့စေခြင်း စသည်တို့မှ ကင်းစင်၍ သန့်စင်မွန်မြတ်သော ဂျန္နသ်၏ အခြေအနေကို ဥပမာပေးထားခြင်း ဖြစ်ပေသည်။ (ကုရ်အာန် ၃၇း၄၇။ ၅၂း၂၃။ ၅၆း၁၉။ ၇၆း၁၇)

ထို့ကြောင့် ဤလောကတွင် ကုရ်အာန်က ပြင်းထန်စွာ တားမြစ်ထားသော မူးယစ်သေစာကို ဂျန္နသ်တွင် ခွင့်ပြုခြင်းဆိုသော ပြဿနာ မရှိချေ။ ဂျန္နသ်၏ သဘာဝကို ကုရ်အာန် (၃၂း၁၇) အရ မည်သည့် လူသားမျှ မမြင်ဖူးသေး၍ ဥပမာ သဘောဖြင့်သာ ဖွင့်ဆို နားလည်ရပေမည်။ ထို့ပြင် ဂျန္နသ်၏ ငြိမ်းချမ်းမှုသည် မုဟ်လင်မ် တစ်ဦး၏ ပန်းတိုင် မဟုသေးချေ။

ဂျန္နသ်တွင် ၄င်းတို့၏ အလင်းရောင်သည် ဆက်လက် ပို၍ ပို၍ ထွန်းလင်းနေဦးမည်သာ ဖြစ်၏။ (ကုရ်အာန် ၆၆း၈)။ စင်စစ် ဤရုပ်လောက၌ မတွေ့မြင်နိုင်သော အကြွင်းမဲ့ နိစ္စထာဝရ ပြီးပြည့်စုံတော်မူသော မဟာကရုဏာတော်ရှင် အလ္လာဟ်ကို ဖူးမြော်နိုင်မှုသည် ဂျန္နသ်၏ ငြိမ်းချမ်းမှုများအနက် အမြင့်ဆုံး ပန်းတိုင်သာ ဖြစ်၏။ အလ္လာဟ်နှင့် အနီးစပ်ဆုံး အသိုင်းအဝိုင်း ရသူအဖို့ အမြင့်မားဆုံး (အဆောင်) အဆင့်ကို ရခြင်းသာ ဖြစ်ပေသည်။ (ကုရ်အာန် ၃၆း၅၇)