တမန်တော်မြတ်၏ စံပြကရုဏာ

 တမန်တော်မြတ်သည် တည်ငြိမ်အေးချမ်းသော နပ်စ်ဝိညဉ်အဆင့် အတန်းရှိသူတစ်ဦး အနေဖြင့် လောဓံတရားများအပ်ါကြံ့ခိုင်သူတစ်ဦးဖြစ်ပေသည်။ သို့သော် လူသားတို့ အတွက် ဖခင်ကောင်း၊ ခင်ပွန်းကောင်း၊ အကြီးအကဲကောင်း တစ်ဦးအဖြစ် စံပြလက်တွေ့ ဘ၀တည်ဆောက်ပြရသူတစ်ဦးလည်းဖြစ်ပေသည်။ ထို့ကြောင့် သူ၏သားငယ်လေး အိဗ်ရာဟီမ်ကွယ်လွန်ချိန်တွင် ကရုဏာတရားဖြင့် မျက်ရည်ဝဲ ခဲ့သည်။ (ဗုခါရီ မုစ်လင်မ်ကျမ်း)။ မိမိ၏သမီးတော် ဖါသွိမဟ်ကိုလည်း စံပြအချစ်ထား ပြခဲ့၏ သမီးတော်လာလျှင် ထိုရာမှထ၍ ကြိုဆိုနမ်းလေ့ရှိ၏။ (အဗူဒါဝူဒ်ကျမ်း)  သူ၏မြေးတော်နှစ်ဦးဖြစ်သော ဟစန်နှင့် ဟုစိုင်န်တို့ကိုလည်း သူ၏ ပုခုံးထက်သို့ တက်စေ၏။ သူသည် ကလေးသူငယ်များအနီးမှ ဖြတ်သွားလျှင် ကလေးတို့က သူ့အား စလာမ်နှုတ်ဆက်သလေ့ရှိပြီးသူ့အနီးအ၀ိုင်းအုံလေ့ရှိခဲ့ကြ၏။ သူကလည်း ကလေးငယ်တို့၏ ဦးခေါင်းကို ကရုဏာဖြင့် ပွတ်သပ်လေ့ရှိ၏။

 ကလေးကို နမ်းရှုတ်ခြင်းမပြုကြောင်းပြောကြားသူတစ်ဦးအား အလ္လာဟ်သည် ၎င်း၏ နှလုံးသားမှ ကရုဏာတရား ရုတ်သိမ်းခြင်းခံရသူအဖြစ်ပြောကြားခဲ့၏။ (အဗုခရီကျမ်း)။ တစ်ခုသော အာရုဏ်ဦးဖွဂျရ်ဆွလာသ်ကို မဒီနဟ်ဝတ်ကျောင်းတော်၌ တမန်တော် မြတ်ဦးဆောင်ဝတ်ပြုနေစဉ် နောက်မှ ကလေးငိုသံ ကြားရသဖြင့်ဝတ်ပြုနေသော မိခင်နှင့် သူ၏ကလေးကိုအလေးထား၍ ဆွလာသ်ကို တိုတိုဝတ်ပြုလိုက်သည်။ (ဗုခါရီကျမ်း)

မိဘက သားသမီးအတွက် ဆုမွန်ဒုအာအ်တောင်းပေးအပ်ခြင်း

 တမန်တော်မြတ်၏ သြ၀ါဒမှတ်တမ်းတစ်ရပ်တွင် လူတစ်ဦးအနေဖြင့် မိမိကိုယ်မိမိ ဖြစ်စေ၊ မိမိ၏ သားသမီးအပေါ်၌ဖြစ်စေ၊ မိမိ၏ဥစ္စာဓနပေါ်၌ဖြစ်စေ ကျိန်ဆဲမှုမပြုမိရန် လေးနက်စွာ တားမြစ်ထား၏။ ယင်းကျိန်ဆဲမှုအတိုင်း နောင်တွင်ဖြစ်လာသောအခါ ယူကျုံးမရဖြစ်ရတော့ သည်။ (မုစ်စလင်မ်ကျမ်း)  မိဘတိုင်းသည် မိမိတို့၏ သားသမီးများ၏ လောကီနှင့် တမလွန်အကျိုးအတွက် နှလုံးသားမှ ဆုမွန်ဒုအာအ်ပြုပေးအပ်ပါသည်။ ကုရ်အာန်ကျမ်းမြတ်အတွင်း၌ နဗီတမန်တော်အချို့နှင့် သူတော်စင်တို့က သားသမီးအပေါ်ထားသော မေတ္တာနှင့်ဒုအာအ်များ ဖော်ပြထားပါသည်။ မိမိ တို့လည်း အလားတူတောင်း ဆိုအပ်ပါသည်။

“အို - ကျွန်တော်မျိုးတို့အား အဆင့်ဆင့် ပြုစုပျိုးထောင်တော်မှုသောအရှင်မြတ်၊ ကျွန်တော်မျိုး တို့၏ ကြင်ဖော်များနှင့် ကျွန်တော်မျိုးတို့၏ သားစဉ်မြေးဆက်၌ ကျွန်တော်မျိုးတို့အတွက် မျက်စိကြည်လင်အေးမြစေတော်မှုပါ။ ကျွန်တော်မျိုးတို့အား အလ္လာဟ်သိစိတ်ဖြင့် အမိန့်နာခံ သူတို့အတွက် ဦးစီးနာယဖြစ်တော်မှုပါ၏။” (ကုရ်အာန် ၃း၃၈)

“အို- ကျွန်တော်မျိုးအား အဆင့်ဆင့် ပြုစုပျိုးထောင်တော်မှုသောအရှင်မြတ်၊ သန့်စင်ကောင်မြတ်သော မျိုးဆက်အား အရှင်ထံမှ ကျွန်တော်မျိုးအား ပေးသနားတော်မှုပါ။ မုချဧကန် အရှင်မြတ်သည်တောင်းဆုကို အကြွင်းမဲ့ကြားတော်မှု သောအရှင်ဖြစ်တော်မှုပါ။” (ကုရ်အာန် ၃း၃၈)

“အို - ကျွန်တော်မျိုးတို့အား အဆင့်ဆင့်ပြုစုပျိုးထောင်တော်မှုသောအရှင်မြတ်၊ ကျွန်တော်မျိုး (နှင့် ကျွန်တော်၏ရင်သွေး) တို့နှစ်ဦးအားအရှင်မြတ်ကိုနာခံသူအဖြစ် ပြုလုပ်တော်မှုပါ။ ထို့တူ ကျွန်တော်မျိုး၏သားစဉ်မြေးဆက်ကိုလည်း အရှင်မြတ်ကို နာခံသူနှင့် မုစ်လင်မ်အွမ္မသ် သားချင်း အစုအဝေးတစ်ရပ်အဖြစ် ပြုတော်မှုပါ . . .။” (ကုရန်အာန် ၂း၁၂၈)

“အို-ကျွန်တော်မျိုးအား အဆင့်ဆင့်ပြုစုပျိုးထောင်တော်မှုသောအရှင်၊ ဤမြို့အားလုံးခြုံ ငြိမ်းချမ်းစေရန် စီမံပြုလုပ်ပေးသနားတော်မှုပါ။ ကျွန်တော်မျိုးနှင့် ကျွန်တော်မျိုး၏ သားသမီး များကို ရုပ်ထုများကိုးကွယ်ဆည်းကပ်ခြင်းမှ ကင်းဝေးစွာထားရှိတော်မှုပါ။” (ကုရ်အာန် ၁၄း၃၅)

“အို-ကျွန်တော်မျိုးအား အဆင့်ဆင့်ပြုစုပျိုထောင်တော်မှုသောအရှင်မြတ် ကျွန်တော် မျိုးအား ဆွလာသ်စွဲမြဲစွာ ၀တ်ပြုတည်ဆောက်သူအဖြစ် စီမံပြုလုပ်တော်မှုပါ။ ထို့တူ ကျွန်တော်မျိုး၏ သားစဉ်မြေးဆက်ကိုလည်း စီမံပြုလုပ်တော်မှုပါ . . .။” (ကုရ်အာန် ၁၄း၄၀) “မုချဧကန် ကျွန်တော်မျိုးမသည် သူမအား “မရ်ယမ်” ဟုအမည်ပေးခဲ့ပါသည်။ ထို့ပြင် သူမအားလည်းကောင်း၊ သူမ၏ သားစဉ်မြေးဆက်အားလည်းကောင်း နှင်ထုတ်ခြင်း ခံရသော ရှိုင်သွာန်အဖျက်အင်အားစုမှ ကင်းဝေးစေရန် အရင်မြတ်၏ အကာကွယ်၌ ကျွန်တော်မျိုးမခိုလှုံပါ၏။” (၃း၃၆) (၁) သူမနှင့် (၂)မရ်ယမ်၏နေရာတွင် (၁)သူ/သူမနှင့် (၂) သားသမီးအမည်ကို အစားထိုး ဆိုတောင်းပါ။

“သို့ဖြစ်ပေရာ အရှင်မြတ်ထံတော်မှ ကျွန်တော်မျိုးအား အမွေဆက်ခံသူတစ်ဦးပေးသနား တော်မှုပါ။ အို-အရှင်မြတ်၊ ၎င်းအားနှစ်မြို့ဖွယ်ရာအဖြစ်လည်း စီမံပြုလုပ်တော်မှုပါ။” (ကုရ်အာန် ၁၉း၅-၆)

“အို-ကျွန်တော်မျိုးအား အဆင့်ဆင့်ပြုစုပျိုးထောင်တော်မှုသောအရှင်မြတ်၊ ကျွန်တော်မျိုး အပေါ်၌လည်းကောင်း၊ ကျွန်တော်မျိုး၏ မိဘနှစ်ပါးအပေါ်၌လည်းကောင်း၊ အရှင်မြတ်ပြုတော် မှုခဲ့သော ကောင်းကျိုးချမ်းသာမင်္ဂလာကျေးဇူးတော်အတွက် ကျေးဇူးတရားသိတတ်ရန် ကျွန်တော်မျိုးအားအစွမ်းသတ္တိပေးသနားတော်မှုပါ။ ၎င်းပြင်အရှင်မြတ်နှစ်သက်တော်မှုသော ကောင်းမှုကို အမြဲပြုနိုင်စွမ်းကျွန်တော်မျိုးအား ပေးသနားတော်မှုပါ။ ၎င်းပြင် ကျွန်တော်မျိုး အတွက် ကျွန်တော်မျိုး၏သားစဉ်မြေးဆက်အတွင်း၌ ကောင်းကျိုးမင်္ဂလာဖြစ်ထွန်းစေတော်မှု ပါ။ မုချဧကန်ကျွန်တော်မျိုးသည်အရှင့်ဆီသို့ ပြန်လှည့်ပါ၏။ ၎င်းပြင်မုချဧကန် ကျွန်တော်မျိုး သည် နာခံအပ်နှင်းသူတို့အနက်မှဖြစ်ပါ၏။” (ကုရ်အာန် ၄၆း၁၅)

ဆုဒုအာအ်နှင့်အတူအမလ်လုပ်ရပ်ပြုအပ်ခြင်း

အလ္လာဟ်အရှင်မြတ်ထံသို့ ဆုမွန်ဒုအာအ်ပြုရုံမျှဖြင့် မလုံလောက်ပါ။ ယင်းဆုမွန်ပြည့်ဝရေး အတွက် လက်တွေ့ကြိုးမျးမှုပါရန်လည်း အရေးကြီးပါသည်။

တမန်တော် မုဟမ္မဒ် (ဆွ) သခင်သည် မုအ်မင်န်ထုတ်စ်ရပ်လုံး၏ ဆရာနှင့်နာမ်ပိုင်း ဆိုင်ရာ ဖခင်ကြီးဖြစ်၏။ (အဗူဒါဝုဒ်၊ မိရ်ှကာသ်)။ တမန်တော်မြတ်၏ ကြင်ယာ တော်များမှာ မုအ်မင်န်ထုတစ်ရပ်လုံး၏ မိခင်မွန်များဖြစ်ကြပေသည်။ (ကုရ်အာန် ၃၃း၆)။ တမန်တော်မြတ်၏ အဟ်လုလ်ဗိုင်သ် ခေါ် အိမ်တော်သူအိမ်တော်သားများကို မုစ်လင်မ်တိုင်း လေးစားအချစ် ထားကြရပေမည်။ သို့သော မည်သူမဆို မည်သည့်မိသားစု မျိုးနွယ်ဖြစ်ခြင်းကြောင့်မြင့်မြတ် ခြင်းမဟုတ်၊ အလ္လာဟ်သိစိတ်ဖြင့် တာဝန်ကျေပွန်ခြင်း ‘သတ်က်ဝါ’ ဖြင့်သာ မြင့်မြတ်မှုကို တိုင်းတာမည်ဖြစ်သည်ကို သတိပြုပါ။

 ထို့ကြောင့် တမန်တော်မြတ်က မိမိနှင့် ဆွေမျိုးတော်စပ်ခြင်းကြောင့် အလ္လာဟ်က ထိုသူအား အခွင့်ထူးပေးမည်မဟုတ်။ လူတိုင်း မိမိ၏ ကြိုးပမ်းမှုအပေါ်၌သာ အကျိုးဖြစ်ထွန်းစေမည် ဖြစ်ကြောင်း အောက်ပါအတိုင်း ဆုံးမထားတော်မှုပေသည်။

“အို-မုဟမ္မဒ်၏အဒေါ်ဆွဖီယဟ်၊ အို-မုဟမ္မဒ်၏ချစ်သမီးတော် ဖွာသိမဟ်၊ ရှင်ပြန်ထရမည့်နေတွင် အသင်မတို့၏ (ကောင်းမှု) လုပ်ရပ်များကို ယူဆောင်လာကြကုန်လော့။ အသင်မတို့ ၏ဆွေဂုဏ်မျိုးဂုဏ်များကို မယူဆောင်လာကြလေနှင့်။ ကျွန်ုပ်သည် အလ္လာဟ်အရှင်မြတ်၏ ထံတော်တွင်မည်သည့်အကူအညီကိုမျှ ပေးစွမ်းမည်မဟုတ်ချေ။” (မိရ်ှကာသ်ကျမ်း)  မုစ်လင်မ်မိသားစုတိုင်းသည် အလ္လာဟ်အပေါ်အားထား၍ ဆုမွန်ဒုအာအ်ပြုကာ မိမိတို့၏သားစဉ်မြေးဆက်၏ ရုပ်ပိုင်း၊ ၀ိညာဉ်ပိုင်း၊ ကိုယ်ကျင့်တရားဖွံ့ဖြိုးတိုးတက် ရေးကို လက်တွေ့ဆောင်ရွက်နိုင်ကြပါစေ။

ကျမ်းကိုးစာရင်း (၁) ကုရ်အာန်ကျမ်မြတ် အရဗီမူရင်း (၂) တမန်တော်မြတ်၏ သြ၀ါဒမှတ်မ်းများ (ဗုခါရီ၊ မုစ်လင်မ်၊ သိရ်မိဇီ၊ အဗူဒါဝူဗ်၊ အိဗ်နုမာဂျဟ်၊ နစာအီ၊ အဟ်မဒ်၊ ဗိုင်ကကီ) (၃) Silma Buckley (B.A Dip., EdO, ISLAMIC PARENTING Singapore, The Muslim Convert Association of Sigapore, 1991 (၄) Aliah Schleifer, MOTHERHOOD IN ISLAM Cambridge, The Islamic Academy, 1986 (၅) Muhammad Yusuf Islahi, ETIQUETTES OF LIFE IN ISLAM, Dehi, Ishaat-e-Islam Trust, 1982 (၆) Abdar Rehman Shad, THE RIGTS OF ALLAH AND HUAM RIGHTS Lahore, Kzi Publication, 1981 (၇) Akhaq Husain, MUSILIM PARENTS; THEIR RIGHTS AND DUTIES Karachi, International Islamic Publication, 1960 (၈) Dr. Yusuf Al-Qaradawi, THE LAWFUL AND PROHIBITED IN ISLAM Dalhi, Hindustan Publiactions, 1960 (၉) Marwan Ibrabhim Al-Kaysi, MORLS AND MANNERS IN ISLAM London, The Islamic Foundation, 1986 (၁၀) Mohamed Iqbal Siddiqi, THE FAMILY LAW OF ISLAM New Delhi, Adam Publicasher Distributer, 986 (၁၁) S.M. Madni Abbasi, FAMILY OF THE HOLY PROPHET Karchi, International Islamic Publication, 1987 (၁၂) UNICEF Annuel Report 1996 (၁၃) The State of the World’s Children 2001, (UNICEF) (၁၄) ဘ၀တွင်တာသိမှတ်စရာ၊ ရန်ကုန်၊ UNICEF ကုလသမဂ္ဂကလေးများရန်ပုံငွေအဖွဲ့၊ ၁၉၉၉ (၁၅) သုံးနှစ်မပြည့်မီအရွယ်ကလေးငယ်၊ ရန်ကုန်၊ လူမှုဝန်ထမ်းဦးစီးဌာနနှင့် ကုလသမဂ္ဂကလေးများရန်ပုံငွေအဖွဲ့၊ ၁၉၉၃ (၁၆) မိခင်နှင့် ကလေးသူငယ်ပြုစုစောင့်ရှောက်သူများအတွက် လက်စွဲစာဆောင် (၀ မှ ၅-နှစ်) ရန်ကုန်၊ လူမှုဝန်ထမ်းဦးစီးဌာနနှင့် ကုလသမဂ္ဂကလေးများရန်ပုံငွေအဖွဲ့၊ ၁၉၉၃ (၁၇) ကလေးသူငယ်များဆိုင်ရာကမ္ဘာ့ထိပ်သီးညီလာခံ၊ ရန်ကုန်၊ ကုလသမဂ္ဂကလေးများ ရန်ပုံငွေအဖွဲ့၊ ၁၉၉၀ (၁၈) ကလေးသူငယ်အခွင့်အရေးဆိုင်ရာ ကုလသမဂ္ဂညီလာခံသဘောတူစာချုပ် ရန်ကုန်၊ ကုလသမဂ္ဂကလေးများရန်ပုံငွေအဖွဲ့၊ ၁၉၈၉၊ နိုဝင်ဘာ၊ ၂၀) (၁၉) မင်္ဂလာပါမေမေ၊ ကျန်းမာရေးပညာပေးစာစဉ်၊ Thailand, Krames Conmunication, 1997) (၂၀) ဒေါက်တာ ရောဘတ် ဒဗလျူရှီလ်စ် The First Five Years of The Child ဘာသာပြန် ရန်ကုန်၊ ပညာရေးဝန်ကြီးဌာနနှင့် ကုန်သွယ်ရေးဝန်ကြီးဌာန၊ ၁၉၉၄